U Biełarusi zaviaršyłasia rehistracyja na centralizavanaje testavańnie, prajści jaho vykazali žadańnie 61785 abituryjentaŭ.
Pra heta BiełTA paviedamiŭ dyrektar Respublikanskaha instytuta kantrolu viedaŭ Juryj Miksiuk.
Samym masavym pradmietam CT stała ruskaja mova. Jaje buduć zdavać bolš za 50,3 tysiačy abituryjentaŭ. Druhoj pa papularnaści stała matematyka: jaje buduć zdavać 33,8 tysiačy čałaviek.
Centralizavanaje testavańnie startuje 14 červienia ź biełaruskaj movy, 16 i 17 červienia abituryjenty buduć zdavać ruskuju movu, 19 červienia projdzie CT pa hramadaznaŭstvie, 21 i 22 červienia adbudziecca ekzamien pa matematycy, praź dzień — pa bijałohii, 26 červienia možna budzie zdać zamiežnuju movu (anhlijskuju, niamieckuju, francuzskuju, ispanskuju, kitajskuju), praź dzień — chimiju, CT pa fizicy projdzie 30 červienia, pa historyi Biełarusi — 2 lipienia, test pa hieahrafii abituryjenty napišuć 4 lipienia, pa suśvietnaj historyi (najnoŭšy čas) — 6 lipienia.
Reziervovymi dniami CT pa biełaruskaj i ruskaj movach pryznačanyja 12 i 14 lipienia, pa astatnich pradmietach-12 i 16 lipienia.
Čas pačatku CT u asnoŭnyja i reziervovyja dni — 11.00.
Kamientary