Recept na vychadnyja. Piersikavy kobler — tradycyjny amierykanski desiert
Anhlijskija pierasialency ŭ Amieryku pačali rabić koblery (cobbler), kali zrazumieli, što nie majuć na novym miescy praduktaŭ i ŭmoŭ dla tradycyjnaha anhlijskaha pudynhu. Jany stali prosta pakryvać načynku słojem piečyva ci ciesta, čym i dali pačatak hetamu desiertu. Padavajcie jaho ciopłym i pakładzicie navierch šaryk marožanaha.
Fota: BBC Food
Kab zhatavać piersikavy kobler, vam spatrebicca:
- 8 piersikaŭ ci niektarynaŭ (dastańcie ź ich kostki i narežcie na toŭstyja łustački ci kubiki),
- 225 hramaŭ muki,
- 100 hramaŭ cukru dla ciesta + 3 stałovyja łyžki cukru dla načynki (lepiej vykarystoŭvać karyčnievy cukar),
- 85 hramaŭ chałodnaha masła, narezanaha kubikami + dadatkovaje masła dla šmaravańnia formy,
- 150 mililitraŭ małaka,
- 1 stałovaja łyžka kukuruznaha kruchmału,
- 1 čajnaja łyžka razrychlalnika,
- čverć čajnaj łyžki mołataj karycy,
- drobka soli,
- cedra i sok adnaho limona,
- paŭtary čajnyja łyžki vanilnaha ekstraktu,
- cukrovaja pudra, kab pasypać kobler,
- vanilnaje marožanaje ci viarški dla padačy.
- Razahrejcie duchoŭku da 200 hradusaŭ. Padrychtujcie šyrokuju i niehłybokuju formu dla vypiakańnia, lepiej za ŭsio pamieram 30 na 21 santymietr. Zmažcie formu masłam i pakładzicie ŭ jaje sadavinu. Źmiašajcie kruchmał, 3 stałovyja łyžki cukru i cedru limona ŭ nievialikaj miscy, pasypcie hetaj sumieśsiu piersiki. Pieramiašajcie sadavinu, kab sumieś jaje raŭnamierna pakryvała, i palicie ich limonnym sokam.
- Kab pryhatavać ciesta dla koblera, pakładzicie ŭ vialikuju misku muku, cukar, razrychlalnik, karycu i sol, usio pieramiašajcie. Dadajcie masła i raścirajcie sumieś palcami, pakul u joj nie zastaniecca vialikich kamiačkoŭ (ci pieramiašajcie sumieś u kuchonnym kambajnie). Pakińcie stałovuju łyžku małaka, kab paźniej zmazać im ciesta, i źmiašajcie ŭsio astatniaje małako z vanilnym ekstraktam. Vylicie jaho ŭ sumieś z mukoj i niadoŭha źmiešvajcie sumieś stałovymi pryborami ci špatalem, pakul u vas nie atrymajecca miakkaje adnarodnaje ciesta. Vykładzicie 8 stałovych łyžak ciesta z horkaj na sadavinu, jakuju źmiaścili ŭ formu dla vypiakańnia, i zmažcie vierchni słoj budučaha koblera reštkami małaka. Vypiakajcie piroh na praciahu 30—35 chvilin, pakul sok ad piersikaŭ nie pačnie kipieć, a ciesta nie apuścicca i nie stanie chrumstkim, załacistym źvierchu i prapiečanym.
- Pasypcie kobler cukrovaj pudraj i padavajcie jaho adrazu, jak dastaniecie z duchoŭki — z marožanym ci viarškami.
Recept na vychadnyja. Kłubničnaja paŭłava — lohkaje i dalikatnaje pirožnaje
Jak atrymać śviežy apielsinavy sok biez sokavyciskałki. Prosty i efiektyŭny sposab
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary