Ciapier adzin z najbolš adyjoznych prapahandystaŭ łukašenkaŭskaha režymu časova nie zmoža zahružać novyja videa, bo atrymaŭ papiaredžańnie ab parušeńni pryncypaŭ supolnaści. Zhodna z praviłami Youtube, kali ciaham 90 dzion aŭtar kanała atrymlivaje try papiaredžańni — jaho kanał vydalajecca biez mahčymaści adnaŭleńnia.
Na kanale Azaronka, jak piša «Viasna», siarod inšych raźmieščanyja videa z takimi «kreatyŭnymi» nazvami, jak «Lahušonok Makron i amierikanskaja žaba protiv biełorusskoj konstitucii», «Dud́ — všivaja hnida», «Anton Motolko. Diehienierat, hopnik i mraź».
Pry hetym u praktycy biełaruskich karnych orhanaŭ apošniaha času byli vypadki, kali minčuku prysudzili 2,5 hoda «chatniaj chimii» i pastanavili vypłacić 1500 rubloŭ za kamientaryj «mraź», pakinuty pad pastom pra milicyjanta; žycharka Minska atrymała 2 hady «chatniaj chimii» za kamientaryj «hnida» pad fota načalnika HUBAZiK Andreja Paršyna; dva hady «chimii» prysudzili žycharu Oršy za abrazu miascovaha daišnika — jon napisaŭ słova «mraź» i niekalki inšych słoŭ na miažy cenzurnaści.
I heta tolki niekalki vypadkaŭ — nasamreč, ich kudy bolš. Azaronak ža, choć i šyroka praktykuje abraźlivyja akreśleńni, i nie tolki ŭ zahałoŭkach, atrymlivaje dziaržaŭnyja ŭznaharody.
Kamientary