Brytni Śpirs nie marnuje čas darma. 9 červienia 40-hadovaja pop-zorka vyjšła zamuž za 28-hadovaha fitnes-treniera Sema Ashary ŭ atačeńni 60 haściej. Ale ž ščaślivy momant ledźvie nie pieratvaryŭsia ŭ skandalny.
Niezadoŭha da cyrymonii na terytoryi doma śpiavački aryštavali jaje eks-muža Džejsana Alaksandera. 40-hadovy mužčyna, jaki niekali byŭ siabram dziacinstva Śpirs, uziaŭ šlub ź joj u 2004 hodzie ŭ Łas-Viehasie, ale šlub byŭ anulavany ŭsiaho praz 55 hadzin, piša Sky News.
Pierad incydentam Alaksander zapisaŭ u Instagram storys, dzie, znachodziačysia niedaloka ad doma zorki, raskazaŭ: jon idzie tudy, kab razvalić viasielle Śpirs i Ashary. Mužčyna zdoleŭ trapić na terytoryju viły, dzie praciahvaŭ vieści tranślacyju ŭ Instagram, u tym liku navat nazyvaŭ Brytni svajoj pieršaj i adzinaj žonkaj.
Ale chutka Alaksander sustreŭsia z achovaj. Adbyłasia svarka, padčas jakoj byli raźbityja rečy. Paźniej na miesca incydentu prybyła palicyja, jakaja i aryštavała mužčynu. Ciapier jamu pahražaje adkaznaść za parušeńnie miežaŭ pryvatnaj ułasnaści, vandalizm i za dva vypadki rukaprykładstva.
Tym nie mienš, mužčyna nie zdoleŭ sarvać śviata — Śpirs usio ž vyjšła zamuž za Ashary. Šlub prajšoŭ u ciesnym kole blizkich i siabroŭ pary, siarod jakich, jak paviedamlajecca, byli Danateła Viarsače, Perys Chiłtan i brat Brytni Śpirs Brajan. Siastra śpiavački Džejmi Lin i jaje baćki nie atrymali zaprašeńnie na viasielle — nakolki viadoma, ź imi ŭ zorki napružanyja adnosiny.
Dziaŭčaty biełsportu ŭ haračych fotasiesijach dla mužčynskaha hlancu: Azaranka, Barabanščykava, Chižynkova
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary