Hramadstva

Žonka viadomaha biełaruskaha chakieista zapuściła dabračynny fond dla chvorych na rak

Nadzieja Mialeška — papularnaja biełaruskaja błohierka, a taksama žonka byłoha chakieista biełaruskaj zbornaj Dźmitryja Mialeški. Bolš za dva hady jana zmahajecca z rakam hrudziej. Ciapier Nadzieja zapuskaje dabračynny fond u padtrymku ankachvorych.

Fota: Instagram Nadziei Mialeški

Arhanizacyja biełaruski budzie nasić nazvu «Fond Nadziei». Mienš čym za sutki na staronku fondu ŭžo padpisalisia amal 17 tysiač čałaviek.

Jak piša Nadzieja, užo ciapier ankachvoryja mohuć raźličvać na infarmacyjnuju padtrymku ad arhanizacyi: pačuć pra pravilnaje charčavańnie pry svajoj chvarobie, atrymać parady ad psichołaha i rekamiendacyi ad jeŭrapiejskich miedykaŭ. Kali adpaviednyja dakumienty buduć aformlenyja, fond budzie dapamahać i z apłataj rachunkaŭ za lačeńnie dzieciam i darosłym, jakija chvarejuć na rak.

Mialeška tłumačyć, što važnaj matyvacyjaj pra stvareńni fondu dla jaje staŭ ułasny vopyt:

«U dzień, kali ja pačuła ad daktaroŭ u Biełarusi, što ŭ mianie rak hrudziej, ja była hłyboka ŭzrušanaja, napužanaja, nie zdolnaja prymać nijakija rašeńni. Ja dumała, heta kaniec… Ja chaču praciahnuć ruku kožnamu, chto ciapier pražyvaje baraćbu z rakam. Chto tolki daviedaŭsia pra dyjahnaz, chto adčajaŭsia i vielmi baicca, chto nie viedaje, kudy biehčy i što rabić».

Muž Nadziei Dźmitryj Mialeška — były forvard biełaruskaj zbornaj pa chakiei i minskaha «Dynama», a taksama eks-hulec chakiejnaj kamandy Alaksandra Łukašenki. Ciapier Dźmitryj šmat u čym padtrymlivaje svaju žonku, jakaja bolš za dva hady zmahajecca z ankałohijaj.

Adna ź viadomych biełaruskich błohierak, Nadzieja Mialeška zarehistravała akaŭnt u Instagram u 2012 hodzie. Spačatku heta była asabistaja staronka, a potym uładalniki kamiercyjnych akaŭntaŭ, jakim spadabaŭsia akaŭnt Nadziei, stali źviartacca da jaje z prośbaj vieści i ich staronki. Pastupova z hetaha vyras i paśpiachovy ŭłasny błoh z bolš čym 412 tysiačami padpisčykaŭ, i šerah kursaŭ u vobłaści SMM.

Fota: Instagram Nadziei Mialeški

U studzieni 2020 hoda ŭ Nadziei Mialeški vyjavili rak hrudziej.

«30 śniežnia ja namacała ŭščylnieńnie ŭ hrudziach. Panikavać nie stała, bo try miesiacy tamu była na UHD i ŭsio było dobra. Paśla NH adrazu ž pabiehła praviaracca. 

8 studzienia ja daviedałasia, što ŭ mianie rak hrudziej. Treciaja stadyja.

Čamu nie było vidać na UHD? Ja praviarałasia kožnyja paŭhoda. Bo hety vid puchliny maje ahresiŭny, chutki charaktar. Jon, had, paśpieŭ prakraścisia ŭ limfavuzły.

Jak ja? Užo narmalna. Pa žyćci ja aptymist i zaŭsiody vieru tolki ŭ lepšaje! Nastrojena tolki na stanoŭčy vynik!» — pisała jana tady.

U lipieni taho ž hoda chvaroba ŭ błohierki pierajšła ŭ stadyju remisii. Ale ŭ sakaviku 2021-ha Nadzieja paviedamiła, što chvaroba viarnułasia, daktary znajšli ŭ jaje mietastazy ŭ piečani. Žančyna praciahvaje svajo lačeńnie ŭ Hiermanii, kudy pierajechała ź siamjoj.

«Balić — tryndziec jak». Vadanosava raspaviała pra apieracyju i ciapierašniuju reabilitacyju

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany8

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany

Usie naviny →
Usie naviny

Łukašenka: Rasija daŭno hatovaja nie prosta da pieramirja va Ukrainie, a da zaklučeńnia miru14

U Minsku admianili tankavy fiestyval ad Lesta na 9 Maja. A abiacali «miehapadzieju»5

Italjanski inžynier prydumaŭ, jak pryŭźniać Vieniecyju na 30 santymietraŭ

Kala Pucina pasadzili marpiecha, jakoha vinavaciać u zabojstvach u Maryupali4

«Ciažka načami nie spać». Fiermiery palać vohniščy, kab uratavać bujaki ad zamarazkaŭ15

Pucin amal nie kazaŭ pra vajnu va Ukrainie padčas Paradu Pieramohi3

Łukašenku pasadzili na Paradzie ŭ Maskvie z Pašynianam, a Si Czińpina z Pucinym36

Alaksandr i Kola Łukašenki prybyli na Parad Pieramohi na Krasnuju płošču ŭ Maskvie7

Ziankovič: Biezumoŭna, ja b nie pajechaŭ u Maskvu pad harantyi Volhi Karač21

bolš čytanych navin
bolš łajkanych navin

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany8

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany

Hałoŭnaje
Usie naviny →

Zaŭvaha:

 

 

 

 

Zakryć Paviedamić