Z Rasii sychodzić brytanskaja kampanija Diageo, paviedamlaje «Kommiersant». Joj naležać takija słavutyja ałkaholnyja brendy, jak Smirnoff, Johnnie Walker, Guinness, Baileys, Captain Morgan i inšyja.
Fota: diageo.com
U zajavie kampanii havorycca, što praces sychodu z rynku zojmie kala šaści miesiacaŭ. U hety pieryjad vytvorca budzie padtrymlivać svaich supracoŭnikaŭ, im budzie davacca pašyrany pakiet kampiensacyjnych vypłat pry poŭnym vykanańni rasijskaha zakanadaŭstva.
Diageo pastaŭlała pradukcyju ŭ 70 tysiač mahazinaŭ i 19 tysiač restaranaŭ i baraŭ u Rasii.
U sakaviku kampanija abviaściła, što časova prypyniaje impart śpirtnych napojaŭ u Rasiju paśla pačatku jaje vajny z Ukrainaj. Z taho momantu Diageo pradavała najaŭnyja ŭ Rasii zapasy pradukcyi.
Kamientary