Aktrysa Kupałaŭskaha Tamara Mironava stała narodnaj artystkaj. Razam ź Niafiodavaj jany vystupali na adkryćci ałkamarkieta
Aktrysie Kupałaŭskaha teatra Tamary Mironavaj dali hanarovaje zvańnie narodnaha artysta Biełarusi.
Jana padziakavała Łukašenku.
«Vy adkryli novyja staronki ŭ našym teatry. Teatry dziaržaŭnym, nacyjanalnym. Teatry imia Janki Kupały. Vy nam pavieryli, i my vas nie padviali. Ja hanarusia, što ŭ nas ciapier jość režysior, maładyja artysty, što naradžajecca novy małady teatr. Heta vydatna!» — pryvodzić jaje słovy BiełTA.
Raniej jaje kaleha Volha Niafiodava skardziłasia, što ich abiedźviuch paŭtara hoda nie zaprašajuć zdymacca ŭ kino.
«Tamu što tam takija ž cichušnyja zmahary z režymam trymajucca za chłapušku i nas nie puskajuć. A maskoŭskija režysiory jak pryjazdžali, tak i pryjazdžajuć zdymać u Minsk, ale našy kastynh-dyrektary nas im nie pakazvajuć, voś i ŭsio», — kazała Niafiodava.
U červieni 2021 hoda Mironava i Niafiodava vystupili na adkryćci kramy ałkaholu «Biełmytniaservis» u Maładziečnie. Jany pakazali ŭryvak sa śpiektakla «Paŭlinka».
3 lipienia byli ŭznaharodžanyja i inšyja dziejačy kultury.
Orden Francyska Skaryny atrymaŭ prafiesar kafiedry muzyčnaj piedahohiki, historyi i teoryi vykanalnickaha mastactva Biełaruskaj dziaržaŭnaj akademii muzyki Vadzim Jakaniuk, miedal Francyska Skaryny — dyrektar Mahiloŭskaha abłasnoha teatra lalek Uładzimir Andrejenka.
Nahrudnyja znaki da hanarovaha zvańnia Zasłužany dziejač kultury ŭručyli mastaku-skulptaru, prafiesaru kafiedry skulptury Biełaruskaj dziaržaŭnaj akademii mastactvaŭ Alaksandru Finskamu, Zasłužanaha artysta atrymali artyst baleta Dziaržaŭnaha akademičnaha ansambla tanca Alaksandr Hłazko, mastacki kiraŭnik Muzyčnaha pradziusarskaha centra «Załatyja hałasy» Valeryj Šmat i viadučy majstar sceny Nacyjanalnaha akademičnaha dramatyčnaha teatra imia M. Horkaha Rusłan Čarniecki. Nahrudny znak da hanarovaha zvańnia narodnaha artysta Biełarusi ŭručyli artystu baleta Nacyjanalnaha akademičnaha Vialikaha teatra opiery i baleta Antonu Kraŭčanku.
-
Brescki školnik pieramoh u Mižnarodnaj hieahrafičnaj alimpijadzie. Jaho mama raskazała, jak vyraścili hienija
-
Top-śpiecyjalistku pa markietynhu z MTBanka asudzili za ŭdzieł u pratestach
-
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond18
Kamientary