Šmatdzietnamu baćku, jaki ź bienzapiłoj vyhnaŭ sa svajho doma ludziej u cyvilnym, prysudzili dva hady ŭzmocnienaha režymu
Nad Michaiłam Karasiovym z Rečycy ŭčora adbyŭsia sud. Adzin z «paciarpiełych» raskazvaŭ, što ciapier baicca zachodzić u čužyja damy.
Mužčynu zatrymali 2 sakavika 2022 hoda.
U toj dzień u dom da jaho pryjšli dvoje asob u cyvilnym, jakija paprasili prajści ź imi žonku mužčyny. Michaił sprasonku vyrašyŭ, što heta złodziei (tym bolš u horadzie akurat papiaredžvali, što arudujuć bandyty, jakija pradstaŭlacca milicyjantami), zavioŭ bienzapiłu i vyhnaŭ ich.
A praź dziesiać chvilin paśla hetaha da ich pryjechaŭ milicejski narad.
Čytajcie padrabiaźniej: Małady šmatdzietny baćka bienzapiłoj vyhnaŭ z doma asob u cyvilnym, jakija pryjšli pa jaho žonku. U vyniku pasadzili jaho
Mužčynie pradjavili abvinavačvańni pa 364 artykule Kryminalnaha kodeksa («Hvałt abo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ»).
Jak viadoma «Našaj Nivie», «dźvie asoby ŭ cyvilnym», jakija pryjšli tady ŭ dom mužčyny pa jaho žonku, zapatrabavali materyjalnuju kampiensacyju. Žonka Karasiova zapłaciła im 1000 rubloŭ na dvaich.
Na sudzie adzin z «paciarpiełych» raskazvaŭ, što jon ciapier baicca zachodzić u čužyja damy.
Taksama śledčy pa spravie nie paličyŭ patrebnym dałučyć da spravy dokazy taho, što ŭ horadzie dziejničajuć złodziei. Słovy advakata Michaiła pra heta sud nie pryniaŭ da ŭvahi.
Mužčynu dali 2 hady ŭzmocnienaha režymu.
U Michaiła Karasiova čaćviora dziaciej, mužčyna pracavaŭ na Rečyckim mietyznym zavodzie mašynistam krana.
Jaho žonka apošni čas była ŭ dekrecie, siamja znachodzicca ŭ ciažkim finansavam stanoviščy.
Da ŭstupleńnia pastanovy suda ŭ zakonnuju siłu mužčyna budzie znachodzicca ŭ homielskim SIZA №3.
Čytajcie taksama:
20-hadovuju «terarystku» Danutu Piarednia asudzili da 6,5 hadoŭ kałonii
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary