Vajna3737

«Nie atrymali ničoha, akramia 15 kasak». Kanflikt pamiž pałkom Kalinoŭskaha i Stryžakom — što zdaryłasia

Połk Kalinoŭskaha abvinavačvaje fond «Bajsoł» u tym, što nie atrymaŭ ad ich amal nijakaj dapamohi. Sa spravazdačy fondu vynikaje, što nie ŭsio tak adnaznačna.

Połk Kalinoŭskaha vypuściŭ videa, dzie kaža, što nie supracoŭničaje z «Bajsoł», a fotazdymki kalinoŭcaŭ toj u zborach nibyta vykarystoŭvaje biez dazvołu.

«Za ŭvieś čas praviadzieńnia takich zboraŭ połk Kalinoŭskaha nie atrymaŭ nijakaj dapamohi ad «Bajsoł», akramia 15 kasak», — zajaŭlajuć u pałku.

Fota: skrynšot videa pałka Kalinoskaha

Niekatoryja biełaruskija bajcy inšych padraździaleńniaŭ, što vajujuć va Ukrainie, taksama śćviardžajuć, što nie atrymali abiacanaj dapamohi.

«My nie atrymlivali dapamohi i hrošaj ad Stryžaka, aproč Ford Ranger», — kamientuje ŭ hetym ža videa kamandzir internacyjanalnaha bataljona «Tytan» Ihar «Janki» Noman.

Narakańni jość u bajcoŭ antyaŭtarytarnaha atradu i byłoha adeskaha atradu imia Lićvina (z apošnim u kalinoŭcaŭ raniej byŭ kanflikt, taksama praz vałanciorskuju dapamohu).

Stryžak na hetyja abvinavačvańni adreahavaŭ u fejsbuku.

«Siabry, chiba ŭžo ŭsie bačyli zajavu pałka Kastusia Kalinoŭskaha, jakaja źjaviłasia na ich aficyjnym kanale. I ja chaču skazać, što ja zaprašaju pradstaŭnikoŭ pałka Kastusia Kalinoŭskaha da adkrytaj i ščyraj razmovy. Ja da hetaj razmovy hatovy. Čakajem na adkaz ad pradstaŭnikoŭ pałka Kalinoŭskaha», — byŭ łakaničny suzasnavalnik fonda «Bajsoł».

Fond rychtavaŭ pramiežkavuju spravazdaču pa 100 dniach vajny. Ź jaje bačna, što na padtrymku biełaruskich bajcoŭ va Ukrainie było sabrana 143,8 tysiačy jeŭra, ź ich vypłačana 62,8 tysiačy.

Sa spravazdačy vynikaje, što adeskamu atradu «Lićvin» pieradali Nissan Navara (za 8375 jeŭra). Na Ford Ranger dla bataljona Ihara «Janki» pajšło 15,5 tysiačy jeŭra. Dla hetaha ž bataljona zakupleny Mitsubishi Pajero IV za 10,8 tysiačy jeŭra (aŭto pakul u pracesie dastaŭki).

Mašyna, pieradadzienaja byłomu adeskamu atradu «Lićvin». Fota: fond «Bajsoł».

Za košt donarskaj i partniorskaj dapamohi dla pałka Kalinoŭskaha było zakuplena 100 turnikietaŭ, 15 taktyčnych zaplečnikaŭ, 20 kieŭłaravych šlemaŭ. Z hetych srodkaŭ taksama 2300 jeŭra materyjalnaj dapamohi vydatkavali atradu «Lićvin».

Aproč hetaha ŭ spravazdačy jość inšyja hrafy vydatkaŭ — na vałancioraŭ, miedykaŭ, połk «Pahonia».

Kamientary37

  • rom
    16.07.2022
    razvaravali??)) eto ukraina))
    skoro oružije ot sša po vsiej Jevropie budut łoviť
  • Nick
    16.07.2022
    Cha-cha, kłasika. Biełarusy nie byli b biełarusami, kali b nie pierasralisia
  • Lolik Fr.
    16.07.2022
    Zvyčajnaja ahienturnaja kambinacyja - adsiekčy biełaruskich bajcoŭ ad finansaŭ, pasvaryŭšy ich.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj8

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Usie naviny →
Usie naviny

U Rumynii siońnia prachodzić vyrašalny tur prezidenckich vybaraŭ4

Rasija zapuściła rekordnuju kolkaść dronaŭ pa Ukrainie

«Inviestycyi ŭ štučny intelekt skončacca chałodnym dušam». Prahnoz IT-biznesmiena Chamianka3

Mieksikanski karabiel sutyknuŭsia z Bruklinskim mostam. Jość paciarpiełyja VIDEA6

Na Jeŭrabačańni vyjhrała Aŭstryja8

Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec22

U Kramli paćvierdzili padrychtoŭku razmovy Pucina z Trampam

Vosiem azijackich sousaŭ, jakija varta mieć na kuchni2

19-hadovy maskvič na BMW lichačyŭ u daždžlivym Minsku i ŭlacieŭ u słup VIDEA4

bolš čytanych navin
bolš łajkanych navin

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj8

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić