Skradzieny nadmahilny pomnik znajšli na inšych mohiłkach praz 40 hadoŭ
Historyja, bolš padobnaja na detektyŭ, adbyłasia ŭ pasiołku Haradok pad Maładziečnam. Entuzijasty zaŭvažyli na pravasłaŭnych mohiłkach dziŭny pomnik, jaki akazaŭsia jaŭrejskaj macevaj, skradzienaj z susiednich mohiłak jašče 40 hadoŭ tamu, piša Onliner.by.
Biznesoviec i błohier Alaksandr Aniukoŭ raspavioŭ, što jaho siabar, krajaznaŭca Alaksiej Žachaviec, daŭno zajmajecca adnaŭleńniem starych jaŭrejskich mohiłak u Haradku.
Niekalki hadoŭ tamu, padčas pošuku mahił svaich svajakoŭ na pravasłaŭnych pachavańniach, jon natrapiŭ na nadmahille z zamazanym tynkam fasadam. U kucie prahladalisia litary — heta akazałasia jaŭrejskaja epitafija.
— My adrazu zrazumieli, što pierad nami maceva (jaŭrejski nadmahilny pomnik), jakuju treba viarnuć na miesca, — uzhadvaje Alaksandr.
Amal dva hady pajšło na pošuki svajakoŭ čałavieka, pachavanaha na hetym miescy. Narešcie rospyty žycharoŭ dali vynik — znajšłasia ŭnučka mužčyny.
Jana raspaviała: u 1980-ja jon pryvioz nadmahilnuju plitu ź jaŭrejskich mohiłak i trymaŭ jaje ŭ haražy. Paśla jaho śmierci svajaki zamazali nadpis i ŭstalavali plitu jak pomnik.
Zabirać macevu prosta tak entuzijasty nie stali.
— Ja napisaŭ post u błohu i prapanavaŭ sabrać hrošy na novy pomnik. Usiaho za dva dni ludzi pieraličyli ŭsiu patrebnuju sumu.
Kali novaje nadmahille było hatovaje, staruju plitu aściarožna źniali i dastavili na jaŭrejskija mohiłki. Praŭda, heta akazałasia nie tak prosta: nadmahille było davoli ciažkoje, vieźci jaho pryjšłosia na elektraŭsiodarožniku.
Kali plitu ačyścili, na joj vystupiła epitafija. Prykładny pierakład taki: «Tut pachavanaja naša darahaja i ścipłaja maci, sumlennaja ŭ dziejańniach svaich, spadarynia Chaja, dačka r. Matyćjachu. Duša jaje ŭźniesłasia na niabiosy. Niachaj budzie duša jaje zaviazanaja ŭ vuźle žyćcia».
Data pachavańnia — 1931 hod. Dakładnaje miescaznachodžańnie mahiły vyśvietlić nie ŭdałosia, tamu jana staić u šerahu ź plitami, na jakich vysiečany padobnyja časovyja adrezki.
-
Elektronnyja tabło z raskładam bolš nie buduć viešać na prypynkach. U Minsktransie patłumačyli pryčyny
-
Uzłamany akaŭnt «Linii Stalina» pačaŭ publikavać zvodki pra sotni źbitych nad Rasijaj bieśpiłotnikaŭ — nichto nie zaŭvažyŭ padvochu
-
Łaŭreatam Nacyjanalnaj litaraturnaj premii staŭ palitołah-prapahandyst Vadzim Baravik
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta7
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary