Najbližejšyja dni ŭ Biełarusi budzie trymacca śpioka. U hety čas vielmi važna pić dastatkova vadkaści, kab zachavać svajo zdaroŭje ŭ niespryjalnych umovach. Pryvodzim 5 prykmiet taho, što vam varta paciahnucca pa butelku vady.
Moža hučać vidavočna, ale adčuvańnie smahi, asabliva kali ŭ rocie ŭ vas sucha, źjaŭlajecca samaj hałoŭnaj prykmietaj taho, što vam treba pić bolš vady. U bolšaści vypadkaŭ smaha — prykmieta taho, što vy ŭžo davoli abiazvodžanyja, piša New York Times.
Abiazvodžvańnie taksama moža zrabić vašu skuru mienš ełastyčnaj. Naciśnicie na skuru na łokci abo na vierchniaj častcy kiściej. Kali paśla taho, jak vy prybirajecie palec, na skury zastajecca śled, tady, mahčyma, vam treba bolš vady. Ale majcie na ŭvazie, što hetaja prykmieta nie zaŭsiody efiektyŭna sihnalizuje pra abiazvodžvańnie, asabliva ŭ vypadku stałaj skury.
Niekalki daśledavańniaŭ pakazali, što navat lohkaje abiazvodžvańnie moža rabić ludziej bolš razdražnialnymi i navat tryvožnymi. U adnym vypadku navukoŭcy zrabili vysnovu, što nastroj ad abiazvodžvańnia bolš źmianiajecca ŭ žančyn, čym u mužčyn, chacia i nie nadta zrazumieła, čamu.
Vy mahli čuć, što ciomnaja mača — heta prykmieta abiazvodžvańnia, ale na jaho čaściej ukazvaje častata močaspuskańnia. Kali vy nie spraŭlajecie małuju patrebu kožnyja dźvie-try hadziny, heta moža śviedčyć, što vaša cieła ekanomić vadkaści.
Narešcie, kali ŭ vas kružycca hałava ci jość adčuvańnie młosnaści paśla taho, jak vy ŭstajacie, heta moža ŭkazvać na abiazvodžvańnie. Heta nie zaŭsiody prykmieta čahości tryvožnaha, ale kali takoje zdarajecca niekalki razoŭ na dzień, lepiej usio ž papić.
Śpioka viartajecca. Jak siabie pavodzić u takoje nadvorje?
Rekordnaja śpioka: Bred Pit pakazaŭsia ŭ ilnianoj spadnicy FOTA
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie34
Kamientary