Na vystavie Minzdaroŭja možna atrymać kansultacyi daktaroŭ. Ale nie ŭ horadzie, a ŭ hołym poli kala Kurhana Słavy
Na miemaryjalnym kompleksie Kurhan Słavy 23 i 24 lipienia svaje dasiahnieńni i navinki demanstrujuć farmaceŭty, daktary, navučency i vykładčyki miedycynskich kaledžaŭ.
Udzieł u mierapryjemstvie biaruć śpiecyjalisty kliničnych ustanoŭ — Minskaj abłasnoj balnicy, dziciačaj abłasnoj, Minskaj abłasnoj radzilni, Minskaha abłasnoha centra «Psichijatryja — narkałohija», navučency i vykładčyki Barysaŭskaha, Maładziečanskaha i Słuckaha miedkaledžaŭ, vałanciory abłasnoj arhanizacyi Čyrvonaha Kryža.
Naviedvalniki mohuć paŭdzielničać u majstar-kłasach ustanoŭ achovy zdaroŭja, paznajomicca z pradukcyjaj farmvytvorcaŭ, atrymać kansultacyju pa viadzieńni zdarovaha ładu žyćcia, prajści navučańnie pa akazańni pieršaj mieddapamohi i t. d, paviedamlalaje telehram-kanał Minzdaroŭja.
U tym, što takaja vystava pravodzicca nie ŭ nasielenych punktach, dzie ludziam zručna źviartacca pa kansultacyi, a ŭ hołym poli kala Kurhana Słavy, prahladajecca ideałahičny padtekst.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary