Hiermanija admoviła ŭ prytułku biełarusu z kryminalnym minułym
Hiermanija admoviłasia dać status biežanca biełarusu Stanisłavu Cybinskamu. Ciapier ciaham dvuch tydniaŭ jon pavinien pakinuć krainu. Pieraškodaj staŭ kryminalny fakt u minułaj bijahrafii.
«Admovili, tamu što ŭ Biełarusi ŭ mianie byŭ termin za ciažkaje złačynstva. Viarnucca va Ukrainu ja nie mahu — nie ŭpuściać. Viarnucca ŭ Biełaruś taksama nie mahu. Kudy jechać ciapier, ja nie viedaju», — raskazaŭ Stas u kamientary «Jeŭraradyjo».
U Biełarusi Cybinski adsiedzieŭ termin za kryminalnaje złačynstva, a potym niekalki hadoŭ dapamahaŭ byłym źniavolenym viarnucca da narmalnaha žyćcia. Razam z pryjacielami jon arhanizavaŭ hramadska-infarmacyjnuju placoŭku «Biełaruski centr padtrymki», a pad Ščučynam stvaryŭ centr pa resacyjalizacyi vyzvalenych.
U 2020 hodzie Cybinski pracavaŭ u Minsku i dałučyŭsia da palityčnych pratestaŭ. Tady Stanisłaŭ pracavaŭ u Minsku. 10 žniŭnia jon vyjšaŭ na mirnuju demanstracyju, padčas jaje aktyvista zatrymali, źbili ŭ aŭtazaku i vykinuli na hazon. Paśla hetaha pracadaŭca paviedamiŭ, što hrodzieniec pavinien zvolnicca.
Paśla zvalnieńnia Cybinski ŭ vieraśni viarnuŭsia ŭ Hrodna, dzie taksama padviarhaŭsia represijam, ale ŭ toj ža čas akazvaŭ padtrymku palitźniavolenym.
Hetaj zimoj Stas pryjechaŭ u Kijeŭ, dzie pracavaŭ u restaranie. Va Ukrainie jaho i zaśpieła vajna. Śpiarša jon vałanciorstvavaŭ, a paśla vyjechaŭ z Ukrainy i pasprabavaŭ atrymać status uciekača ŭ Hiermanii.
Što budzie rabić ciapier, paśla atrymańnia admovy ŭ prytułku, Cybinski pakul nie vyrašyŭ.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary