Žycharka Homiela źjeździła ź siamjoj u minski akvapark i addała amal 700 rubloŭ
Natalla Mašurava ŭ TikTok napisała, jak siamja z dvuma dziećmi źjeździła ŭ akvapark «Lebiadziny» ŭ Minske. Za sutki, biez uliku biletaŭ, jany patracili 697 rubloŭ.
Natalla zapisała ŭvieś biudžet pajezdki, jakaja tolki dziakujučy darozie doŭžyłasia bolš za sutki.
— Dyzielnaje paliva — 123 rubli.
— Na zapraŭcy kava, vada, cukierki — 20 rubloŭ.
— Ssabojka — 50 rubloŭ.
— Marožanaje, vada — 20 rubloŭ.
— Hatel u «Lebiadzinym» (dva darosłyja i dvoje dziaciej) — 231 rubiel.
— Pierakus u akvaparku — 87 rubloŭ.
— Viačera ŭ restaranie pry hateli — 121 rubiel.
— Śniadanak — 25 rubloŭ.
— Zapraŭka (vada, marožanaje) — 20 rubloŭ.
Takim čynam, na ŭsio było patračana 697 rubloŭ, pryčym Natalla nie ŭkazvaje canu biletaŭ u akvapark.
U kamientaryjach usie ździŭlajucca, što pajezdka była vielmi darahoj, i možna niejak zekanomić. Naviedvalniki rajać ekanomić na ježy i žylli. Voś typovyja kamienty:
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Kamientary