Kali nastupny raz budziecie pić aśpiryn, pasprabujcie lehčy na pravy bok — tak preparat pačnie dziejničać chutčej. Ale ž nie pieravaročvajciesia, bo inakš vam pryjdziecca doŭha čakać efiektu ad lekaŭ.
Navukoŭcy zmadeliravali pracu straŭnika, kab pabačyć, nakolki poza čałavieka moža ŭpłyvać na zasvajeńnie lekaŭ. Pryśviečanaje hetamu daśledavańnie vyjšła ŭ časopisie Physics of Fluids, piša The Times.
Zhodna z pracaj, my pavinny ŭličvać nie tolki toje, kali pić leki, ale i toje, u jakoj pozie my pavinny znachodzicca. Toje, nakolki chutka preparat traplaje ŭ kroŭ, zaležyć ad skaračeńniaŭ straŭnika, dynamiki ruchu vadkaściaŭ i pałažeńnia straŭnika. U vypadku, kali ludzi lažać na levym baku, vychad sa straŭnika znachodzicca ŭ samaj vysokaj kropcy, i heta moža źnizić chutkaść vychadu preparata sa straŭnika amal da nula.
Kali paśla pryjomu lekaŭ stajać, preparat bolš efiektyŭna zasvojvajecca, čym u vypadku ź lažańniem na levym baku. Možna jašče i adkinucca nazad — heta pavialičyć źmiešvańnie tabletki sa straŭnikavym sokam na 50%. Kali ž pry hetym nachilicca naprava, efiekt budzie jašče lepšy, i kancentracyja aktyŭnaha rečyva, jakoje vyciahniecca z preparata, budzie pavialičanaja ŭ dva razy.
Vyniki pracy asabliva važnyja dla lažačych pacyjentaŭ i pažyłych ludziej. Ale daśledčyki papiaredžvajuć: niekatoryja tabletki stvoranyja takim čynam, kab zasvojvacca chutka, inšyja ž zasvojvajucca doŭha i pavolna. Tak što paskarać zasvajeńnie tabletak — nie zaŭsiody dobraja ideja.
Brytanskija daktary zamianili leki ad biassońnicy niečym lepšym
Prosty test padkaža, ci moža ŭ vas być dyjabiet. Patrebnaja tolki šklanka vady
Jakija stravy i napoi najhoršyja dla vašych zuboŭ? Raskazvajuć daktary
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim31
Kamientary