Vyjšła rasśledavańnie pra soft dla sačeńnia za aktyvistami ŭ sotni krain śvietu. Jaho kuplali i biełaruskija ŭłady
Žurnalisty z bolš čym dziesiaci vydańniaŭ apublikavali rasśledavańnie pra kampaniju First Wap i jaje prahramu Altamides dla schavanaha sačeńnia za cikavymi dla kahości asobami praź ich mabilnyja telefony, piša Devby.io.
Nazva prahramy Altamides rasšyfroŭvajecca jak Advanced Location Tracking and Mobile Information and Deception System («Prasunutaja sistema adsočvańnia miescaznachodžańnia, mabilnaj infarmacyi i ŭtojvańnia»). Jana dazvalaje adsočvać łakacyi čałavieka, analizuje jaho pieramiaščeńni i pieradaje infarmacyju pra znachodžańnie «zaražanych» telefonaŭ u niepasrednaj blizkaści adzin ad adnaho.
Z časam prahrama navučyłasia pierachoplivać zvanki i paviedamleńni, a taksama ŭzłomvać ulikovyja zapisy ŭ sacyjalnych sietkach i miesiendžarach, uklučajučy WhatsApp.
First Wap była zasnavanaja aŭstryjskim emihrantam Jozefam Fuksam u Indaniezii ŭ 1999 hodzie. Pra jaje dziejnaść žurnalisty Lighthouse Reports daviedalisia dziakujučy archivu, jaki trapiŭ u ich rasparadžeńnie ŭ minułym hodzie i ŭ asnoŭnym tyčyŭsia pieryjadu 2007‑2014 hadoŭ.
Altamides kuplali klijenty ź Biełarusi, Indaniezii, Małajzii, Nihieryi, AAE, Saudaŭskaj Aravii, Sinhapura i Uźbiekistana. Kampanija admaŭlaje, što niepasredna «prapanoŭvała abo pradavała» svaje pradukty «represiŭnym» režymam, ale žurnalisty ŭpeŭnienyja ŭ advarotnym.
Pad pryceł klijentaŭ kampanii traplali palityki, žurnalisty, zorki i aktyvisty ŭ sotni krain śvietu. Naprykład, siarod celaŭ Altamides była žonka eks-prezidenta Siryi Bašara Asada Asma, emir Katara šejch Tamim bien Chamad Al Tani, akcior Džared Leta i suzasnavalnica bijatech-kampanii 23andme Anna Vajčycki.
Jak adzin ajfon dapamoh brytanskaj palicyi vyličyć bandu, jakuju padazrajuć u kradziažy dziasiatkaŭ tysiač telefonaŭ
U Rasii raspracavali sistemu ananimnaha adsočvańnia pieramiaščeńnia ludziej i abjektaŭ bieź bijamietryi
Rasija vykarystoŭvała dla dyviersij u Jeŭropie seks-cacki
U Kitai stvarajuć samuju mahutnuju kamieru nazirańnia, jakaja budzie raspaznavać tvary ludziej za 100 kiłamietraŭ
Novaja niejrasietka łakalizuje čałavieka ci jaho dom pa fota znutry kvatery za siekundy
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES33
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
No ty vieŕ v łučšieje, tvoich priedłožienij dostatočno dla biezopasnosti, a jeśli niet to vlohkuju tankanioš otsidku i druziej załožiš.
Kali mieć nie vielmi lehalny dostup da SS7 (u danym vypadku dapamahaŭ mabilny apieratar u Lichtenštejnie) možna adsočvać miescaznachodžańnie lubych abanientaŭ u śviecie. Akramia taho, u čas, kali telefon nie aktyŭny, možna imitavać nibyta pierajezd u roŭminh i praz heta pierachapić SMS i zvanki da vas. Vy heta nie zaŭvažycie.
Ad častki ŭraźlivaściej možna abaranicca, kali adklučyć 2G u telefonie (ŭklučać tolki pry nieabchodnaści va ŭmovach drennaj jakaści suviazi).
Astatniaje bolš zaležyć ad biaśpieki ŭ vašaha mabilnaha apieratara, jak jon filtruje padazronyja zapyty pa SS7. A ŭvohule prablema źniknie, tolki kali ŭvieś śviet piarojdzie na 5G i adklučyć sastarełyja pratakoły.
Dahetul publičnaść vašaha mabilnaha numara hulaje nie ŭ vaš bok, a dvuchfaktarnaja aŭtentyfikacyja praz SMS (i ŭvohule SMS) nie źjaŭlajecca nadziejnaj i biaśpiečnaj.
Kraina-teraryst, jak zaraz Biełaruś, moža adsočvać svaich abanientaŭ pa ŭsiamu śvietu i pierachoplivać SMS i biez złoŭžyvańniaŭ pratakołam SS7. Bo praz SS7 možna padmanuć vašaha mabilnaha apieratara, a kali złamyśnik (śpiecsłužby dziaržavy) kantraluje samoha apieratara, toje nie treba.