Hałoŭčanka: Biełaruś pryniała rašeńnie ab stvareńni partovaj mahutnaści na paŭnočnym zachadzie Rasii
Biełaruś pryniała rašeńnie ab stvareńni partovaj mahutnaści na paŭnočnym zachadzie Rasii. Pra heta zajaviŭ žurnalistam premjer-ministr Raman Hałoŭčanka paśla narady ŭ Łukašenki pa eksparcie biełaruskaj pradukcyi, piša BiełTA.
«My razumiejem, što vialikija abjomy treba pieravalvać. Heta tyčycca ŭsich vidaŭ hruzaŭ: i minieralnyja ŭhnajeńni, i lasnyja hruzy, nakatnyja hruzy, kantejniernyja pieravozki, — skazaŭ Raman Hałoŭčanka. — Tamu byli pradstaŭlenyja niekalki adpracavanych varyjantaŭ dalejšaha raźvićcia ŭłasnych mahutnaściaŭ. Pa adnym ź ich rašeńnie pryniataje, jano budzie realizavanaje ŭ samy bližejšy čas. Heta Paŭnočna-zachodni rehijon Rasijskaj Fiederacyi».
U toj ža čas padrabiaznaści, u jakim porcie, jak doŭha budzie realizoŭvacca prajekt i ŭ kolki jon abydziecca Biełarusi, premjer-ministr pakul nie staŭ raskryvać.
«Davajcie my zakryjem ździełku i paśla hetaha ŭžo raskryjem usie karty, dzie budzie hetaja kropka, — rastłumačyŭ jon. — Ale prajekt zapracuje ŭžo ŭ samy bližejšy čas. Da kanca hetaha hoda dakładna».
Što tyčycca dadatkovych łakacyj, hetyja varyjanty buduć prapracavanyja dadatkova z punktu hledžańnia ekanamičnaj metazhodnaści i nieabchodnych układańniaŭ. «Tam nieabchodny bolšy pamier układańniaŭ u infrastrukturu, tamu treba pahladzieć, jak va ŭmovach ciapierašnich realij heta budzie adbivacca na ekanomicy», — skazaŭ Raman Hałoŭčanka.
Jon raskazaŭ, što Biełaruś ciapier supracoŭničaje ź dzieviaćciu rasijskimi partami na roznych morach. Pryčym, pa jaho słovach, dla krainy dziejničajuć asablivyja taryfy, uzajemavyhadnyja dla abodvuch bakoŭ.
«Kali ŭ minułym hodzie my praz party Rasii vieźli nul cełych i niejkuju dziasiatuju našych abjomaŭ, to ŭžo ciapier pa vynikach šaści miesiacaŭ my dadatkova dali ŭ rasijskija party paradku dvuch miljonaŭ ton roznych hruzaŭ. Heta dobraja prybaŭka i dla rasijskich hruzaadpravicielaŭ. Tamu ruchajemsia dalej u hetym kirunku», — dadaŭ kiraŭnik urada.
Čytajcie taksama:
Łukašenka pra «adciskańnie» doli ŭ Kłajpiedzie: Heta nie pavinna prajści biespakarana
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT3
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary