Alenie Nieściarovič pa «spravie Zielcera» prysudzili 2,5 hoda kałonii
10 žniŭnia Minski haradski sud razhledzieŭ spravu palitźniavolenaj Aleny Nieściarovič, jakuju abvinavačvali ŭ ździajśnieńni złačynstvaŭ pa č. 1 art. 130 «Raspalvańnie rasavaj, nacyjanalnaj, relihijnaj albo inšaj sacyjalnaj varožaści» i art. 369 «Abraza pradstaŭnika ŭłady», piša «Viasna».
Alenu zatrymali ŭ miežach kryminalnaj spravy, uzbudžanaj za kamientaryi ŭ sacsietkach ab hibieli supracoŭnika KDB Dźmitryja Fiedasiuka i ajcišnika Andreja Zielcera.
Sudździa Viera Hałaŭkova pryznačyła Nieściarovič 2,5 hoda pazbaŭleńnia voli z adbyćciom pakarańnia ŭ kałonii ahulnaha režymu.
Kamientary