Histaryčna vysokija jakasnyja pakazčyki zbałansavanaści: hubiernatar Turčyn prapanavaŭ Łukašenku padniać ceny na małako
Siońnia Łukašenka pryjechaŭ na Pieršy minski małočny zavod. Tam kiraŭnik Minabłvykankama Alaksandr Turčyn prapanavaŭ jamu padniać ceny na niekatoryja pazicyi.
Heta b, na dumku čynoŭnika, dapamahło pradpryjemstvam palepšyć ekanamičny stan, bo ŭ tym liku z-za ručnoha ŭtrymańnia cen vytvorčaść cełaha šerahu pradukcyi stała stratnaj.
«Adzinaja prośba… Heta niepapularnaja, viadoma, miera. <…> My nie chočam nažyvacca, ale pa niejkich pazicyjach pavinien być inšy ŭzrovień rentabielnaści», — skazaŭ jon i prapanavaŭ padniać ceny na małako.
«Dyk małako i kiefir ludzi ŭ asnoŭnym i biaruć. Ty ž ekanamist. Što budziem rabić ź piensijanierami? Što tut havaryć. Raźličvać na toje, što ceny vyrastuć… Davajcie bolš nadojaŭ. Tady budzie i vyšejšaja rentabielnaść», — skazaŭ Łukašenka i zahadaŭ pavyšać prybytkovaść pradpryjemstvaŭ za košt efiektyŭnaj vytvorčaści, a nie pavyšeńnia cen.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary