Łukašenka zapatrabavaŭ «kardynalna vyrašyć prablemu z daŭhabudam» u Minsku
Alaksandr Łukašenka zapatrabavaŭ pryniać kardynalnyja miery dla vyrašeńnia prablemy daŭhabudaŭ u Minsku. Pra heta jon zajaviŭ na naradzie pa adpaviednaj tematycy na placoŭcy kompleksnaj rekanstrukcyi zabudovy TAA «Minski haradski technapark», paviedamlaje BiełTA.
Łukašenka pryvioŭ šerah prykładaŭ roznych niedabudavanych abjektaŭ u stalicy, u tym liku ŭ centralnych rajonach. Heta, na jaho dumku, kaža ab tym, što ŭ stalicy biazładździa bolš, čym dzie-niebudź.
«Žulikaŭ tut chapaje, ale i marudnaść haradskich čynoŭnikaŭ taksama maje miesca. I vy jak nichto pavinny razumieć, što heta nie tolki pomniki biezhaspadarčaści», — źviarnuŭsia Alaksandr Łukašenka da ŭdzielnikaŭ narady.
«Jość staršynia harvykankama, upaŭnavažanyja pa horadzie i až ceły pamočnik, — skazaŭ jon. — Čas prymać kardynalnyja miery, pačynajučy z hazpramaŭskich prajektaŭ i zakančvajučy budaŭnictvam žylla».
Alaksandr Łukašenka zapatrabavaŭ dałažyć ab situacyi z zaviaršeńniem budaŭnictva abjektaŭ na miescy byłoha zavoda MVAVT, pierśpiektyvach raźvićcia terytoryj Motaviełazavoda, šlachach vyrašeńnia prablemy inšych daŭhabudaŭ stalicy.
-
Niekatoryja biełaruski iduć u surahatnyja mamy. Kolki za heta płaciać i chto z žančyn na heta hatovy?
-
Łukašenka zajaviŭ, što biełarusy ź litoŭcami stahodździami mieli dobrazyčlivyja adnosiny, zasnavanyja na histaryčnych suviaziach
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
Kamientary