U sielskaj haspadarcy abvał. Abjom pradukcyi skaraciŭsia na 10,4%. Adnak usio nie tak kiepska
Takoje vialikaje padzieńnie časovaje, jano tłumačycca tym, što žnuć zbožža sioleta paźniej, čym u minułym hodzie. Minułaje leta było vielmi śpiakotnym, a hetaja viasna, naadvarot, była poźniaj i chałodnaj. Adnak padzieńnie sielhasvytvorčaści istotnaje i niezaležna ad hetych mietearałahičnych asablivaściej.
Vytvorčaść pradukcyi sielskaj haspadarki ŭ studzieni-lipieni 2022 hoda ŭ haspadarkach usich katehoryj (sielskahaspadarčych arhanizacyjach, sialanskich (fiermierskich) haspadarkach, haspadarkach nasielnictva) skłała 12,2 młrd rubloŭ, abo ŭ supastaŭnych cenach 89,6% da ŭzroŭniu anałahičnaha pieryjadu 2021-ha, paviedamlaje Nacyjanalny statystyčny kamitet.
U sielskahaspadarčych arhanizacyjach vyrablena pradukcyi na 11,7 młrd rubloŭ, abo ŭ supastaŭnych cenach — 89,6% da ŭzroŭniu adpaviednaha pieryjadu papiaredniaha hoda.
U haspadarkach usich katehoryj atrymana 1,008 młn ton žyvioły i ptuški ŭ žyvoj vazie, 4605,6 tys. ton małaka, 2017,4 młn jajek. Na dolu sielskahaspadarčych arhanizacyj prypadaje 97,1% abjomu vytvorčaści žyvioły i ptuški ŭ žyvoj vazie, 97,5% małaka i 83,8% jajek.
Na 1 žniŭnia 2022 hoda ŭ sielskahaspadarčych arhanizacyjach naličvałasia 4,1 młn hałoŭ bujnoj rahataj žyvioły, u tym liku karoŭ 1,4 młn. Kolkaść śviniej skłała 2,3 młn. hałoŭ.
Minułaje leta było vielmi śpiakotnym, a hetaja viasna, naadvarot, była poźniaj i chałodnaj. Tamu letaś značnuju častku zbožža zžali ŭžo ŭ lipieni. Sioleta heta zdarycca ŭ žniŭni. Tady dynamika trochi palepšycca. Tym nie mienš, vyniki sielskaj haspadarki i biez taho nie vydatnyja. Pa vynikach paŭhodździa jana taksama pakazała padzieńnie — až na 3%. Pryčym skaraciłasia i pahałoŭje bydła, i kolkaść śviniej — apošnich až na dźvie sotni tysiač hałoŭ.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary