Prezident Indaniezii zajaviŭ ab płanach Pucina pryjechać na samit G20. Tudy źbirajecca i Zialenski
Prezident Indaniezii Džoka Vidoda paviedamiŭ, što prezident Rasii Uładzimir Pucin źbirajecca asabista pryniać udzieł u samicie krain «Vialikaj dvaccatki», jaki pavinien prajści 15 i 16 listapada na indaniezijskim vostravie Bali, paviedamlaje «Hołas Amieryki».
Jak raspavioŭ u intervju Bloomberg Džoka Vidoda, Pucin asabista paviedamiŭ jamu ab žadańni pryjechać na samit. Na Bali, pa słovach prezidenta Indaniezii, taksama źbirajecca pryjechać i staršynia KNR Si Czińpin.
Jak adznačaje Bloomberg, kali vizit Pucina adbudziecca, to samit G20 stanie pieršym paśla pačatku vajny va Ukrainie mierapryjemstvam z udziełam lidaraŭ zachodnich krain, na jakim budzie prysutničać prezident RF.
Uradavaja krynica, jakaja pažadała zachavać ananimnaść, paćvierdziła Bloomberg, što Pucin źbirajecca pryjechać na Bali. Pres-słužba Kramla ad kamientaryjaŭ z hetaj nahody ŭstrymałasia.
Raniej daradca kiraŭnika Ofisa prezidenta Ukrainy Michaił Padalak u intervju VVS zajaŭlaŭ, što Uładzimir Zialenski moža naviedać samit G20.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary