Pałomnikam-chasidam nie pieraškoda i vajna, tysiačy ich irvucca va Umań na Čarkaščynie
Va Umani Čarkaskaj vobłaści na śviata Roš ha-Šana (Rošašóne) čakajecca da 10 tysiač pałomnikaŭ, piša VVS.
Kiraŭnik Čarkaskaj abłasnoj vajskovaj administracyi Ihar Taburec zajaviŭ, što, niahledziačy na zakliki ŭkrainskich pravaachoŭnikaŭ i rekamiendacyi pałomnikam-chasidam ustrymacca sioleta ad vizitu va Ukrainu na śviatkavańnie Rošašóne, pilihrymy pačali prybyvać va Ukrainu.
Va Umań prybyło ŭžo bolš za tysiaču čałaviek, asnoŭnaja masa pałomnikaŭ čakajecca z 18-19 vieraśnia.
Pa słovach kiraŭnika Čarkaskaj AVA, u vobłaści rychtujucca maksimalna zaścierahčy pilihrymaŭ i žycharoŭ Umani padčas praviadzieńnia śviata jaŭrejskaj hramady, dla hetaha buduć uvodzicca žorstkija abmiežavańni.
«My budziem uličvać kožnaha čałavieka. My zabaronim pieramiaščeńnie pa horadzie i aŭtamabilnym transpartam, i piešym paradkam pa niekatorych vulicach. Buduć vystaŭlenyja dadatkovyja błokpasty», — paabiacaŭ Taburec.
Akramia taho, u horadzie zabaroniać handal u miescach vialikaj kolkaści ludziej, jak heta było raniej padčas śviatkavańnia Rošašóne.
Ułady Čarkaskaj vobłaści papiaredžvajuć pra vysokuju imaviernaść rakietnych udaraŭ i terarystyčnaj pahrozy z boku rasijskaha boku i zaklikajuć chasidaŭ ustrymacca ad pilihrymki va Umań sioleta.
Uviesnu Rasija niekalki razoŭ abstrelvała Umań, adzin snarad navat trapiŭ u sinahohu.
Dva hady tamu kryzis z pałomnikami-chasidami ŭźnik na miažy Biełarusi i Ukrainy. Bolš za 1500 čałaviek sprabavali trapić va Umań niahledziačy ni na što, adnak ich nie puskali, bo miaža była zakrytaja ŭ suviazi z epidemijaj karanavirusa.
Čytajcie taksama:
«Svaju nabožnaść jany prajaŭlajuć šumna i viesieła». Chto takija chasidy i što im treba va Ukrainie?
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary