Sacyjalna-bytavy kompleks dla ludziej u patrebie adkryli ŭ Hrodnie. Jon raźmiaščajecca na vulicy Marksa, 27, na terytoryi byłoha bryhickaha klaštara. Adkryćcio było zapłanavana da Dnia horada, piša Hrodna.life.
Kompleks — asobny novy budynak, raźmieščany na terytoryi klaštara, la ŭvachodu z boku Doma suviazi. U hetym miescy ludzi ŭ niastačy zmohuć biaspłatna paabiedać, pryniać duš i paprać rečy. Stałovaja raźličanaja na 25 čałaviek adnačasova, kuchary płanujuć hatavać bolš za sto abiedaŭ štodzień.
Budynak pabudavała katalickaja supołka Caritas pry padtrymcy Hrodzienskaha ŭpraŭleńnia pa pracy, zaniataści i sacyjalnaj abaronie.
Kompleks raźličany na ludziej, jakija viarnulisia ź miescaŭ pazbaŭleńnia voli, biazdomnych abo tych, chto apynuŭsia ŭ składanaj žyćciovaj situacyi.
Uvohule manachini kormiać biazdomnych u Hrodnie z 1996 hoda. Raniej ich karmili na vulicy Maładziožnaj u manastyry nazaratanak. Da 2019-ha Caritas dapamahaŭ svaimi siłami i dziakujučy sponsaram. Sa śniežnia 2019 hoda da finansavańnia dałučyłasia administracyja Leninskaha rajona.
Kamientary