«A vy pa-biełarusku razmaŭlajecie, tamu što pryncyp? U nas ruskamoŭnaja škoła, u dyrektara adrazu buduć pytańni»
Dziŭny dyjałoh adbyŭsia ŭ adnoj sa škoł, kali žurnalistka Biełaruskaha rasśledavalnickaha centra patelefanavała tudy pad vyhladam piedahoha, jaki šukaje pracu.
U administracyi navučalnaj ustanovy adznačyli, što im patrebny nastaŭnik fizkultury. A paśla zapytalisia:
— A vy pa-biełarusku razmaŭlajecie, tamu što pryncyp ci vučylisia ŭ hetaj škole biełaruskamoŭnaj?
— Nu ja zaŭsiody razmaŭlała pa-biełarusku. A treba budzie havaryć pa-rusku?
— Nu z baćkami i ź dziećmi. U nas ruskamoŭnaja škoła, razmaŭlajem my ŭsie na ruskaj movie. Kali idzie ŭrok biełaruskaj movy i litaratury, zrazumieła, što biełaruskaja mova. Nu voś hladzicie, vy pryjdziecie da dyrektara, pačniacie razmaŭlać na biełaruskaj movie — usio, adrazu ž, jak by: «Čamu?»
— My žyviom u Biełarusi, čamu heta tak dziŭna, što čałaviek razmaŭlaje na biełaruskaj?
— Nie, heta nie dziŭna… Kali b vy byli nastaŭnik biełaruskaj movy — zrazumieła.
Žurnalistka taksama pytałasia, ci budzie pieraškodaj pry pracaŭładkavańni toje, što piedahoha zatrymlivali pa administracyjnym artykule za mitynhi. U škole adkazali: adnaznačna nie zmohuć uziać, choć nastaŭnik im i vielmi patrebny.
Praz pratesnuju administratyŭku admovili i ŭ inšaj škole.
— Ja bačyła abjavu ŭ internecie, što vy šukajecie nastaŭnika pačatkovych kłasaŭ. Ci aktualnaja jašče hetaja abjava? — zapytałasia žurnalistka.
— Uhu.
— Ale jość takoje pytańnie. Mianie zatrymlivali pa administracyjnaj spravie — ci heta budzie prablemaj?
— Za ŭdzieł u mitynhach?
— Tak.
— Tak, heta budzie prablemaj. My budziem pasyłać aficyjny zapyt na vašu charaktarystyku, heta budzie paznačana ŭ charaktarystycy, i, na žal, z takim artykułam my nie možam uziać na pracu čałavieka.
— Moža, vy viedajecie, dzie z takim artykułam mohuć uziać? Bo ja ŭžo šukaju daŭno pracu.
— Nie ŭ dziaržaŭnaj ustanovie. Reč u tym, što ŭ nas ža strohi ałharytm. Jak tolki čałaviek da nas prychodzić, pierš čym uziać jaho na pracu, my dajom zapyt u HUUS ab najaŭnaści sudzimaści, pryvodaŭ i ŭsiaho astatniaha, dajom zapyt na charaktarystyku vyznačanaha ŭzoru na papiaredniaje miesca pracy. I tolki paśla hetaha majem prava ŭziać čałavieka na pracu. Heta dekret, jaki rehłamientavaŭ pryjom na pracu ŭ dziaržaŭnyja ŭstanovy.
Kamientary
"Vydatna"!
A ŭ dyrektara nie vynikaje pytańniaŭ, čamu ŭ Biełarusi, dzie jość svaja, NACYJANALNAJA MOVA ŭ škołach navučalny praces idzie vyklučna na ruskaj, i što biełaruskaja vyvučajecca ŭvohule, jak zamiežnaja???
Tym nie dziŭny mnie adkaz adnoj "učycialnicy", prychilnicy 3 adsotkaŭ, jakaja byccam by za movu, ale (cytata) "Ja nie choču, čtoby v škole vsio było po-biełorusskamu".
Po-biełorusskOMU!
Nastaŭnica, jokarny babaj.