Supracoŭniki Google, Amazon i Microsoft traciać ad $70 tysiač na balučuju apieracyju. Što jana daje?
Pacyjentu łamajuć ściehnavyja kostki i ŭstaŭlajuć mietaličnyja ihołki, jakija potym padaŭžajuć z dapamohaj mahnitnaha pulta. Možna vyraści na cełych 15 santymietraŭ.
Časopis GQ raspavioŭ pra papularnuju kliniku ŭ Łas-Viehasie, jakaja prapanoŭvaje pasłuhi pa pavieličeńni rostu.
Firmu LimbplastX Institute u 2016 hodzie zasnavaŭ Kievin Debiparšad, adnak, pavodle jaho słoŭ, takija apieracyi stali papularnyja ŭ ludziej tolki padčas pandemii, kali jany mahli dazvolić sabie doŭhi čas nie vychodzić z domu i adnaŭlacca paśla pracedur.
Mietodyka LimbplastX Institute zaklučajecca ŭ tym, što pacyjentu akuratna łamajuć ściehnavyja kostki na nahach, a zatym ustaŭlajuć rehulavanyja mietaličnyja štyry. Paśla hetaha klijentu z dapamohaj mahnitnaha pulta kožny dzień patrochu pavialičvajuć pamier ustavak na nahach — hety praces zajmaje kala troch miesiacaŭ.
Pasłuha kaštuje ad 70 tysiač da 150 tysiač dalaraŭ u zaležnaści ad žadanaj daŭžyni — u klinicy adznačajuć, što mohuć pavialičyć rost na 15 santymietraŭ.
Balučaja apieracyja asabliva papularnaja siarod inžynieraŭ i supracoŭnikaŭ bujnych IT-kampanij. Debiparšad adznačaje, što jon užo prymaŭ niekalki supracoŭnikaŭ Microsoft, a taksama PayPal, Google, Amazon i Facebook.
Adzin ź inžynieraŭ raspavioŭ GQ, što try miesiacy siadzieŭ u svajoj kvatery, zamaŭlaŭ ježu i nikudy nie vychodziŭ, bo adnaŭlaŭsia paśla apieracyi. U vyniku jon vyras sa 167 da 175 santymietraŭ.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary
jana daje babosiki ŭ kišeniu ušłaha "doktara".
i̷n̷d̷u̷s̷a̷?̷ ̷D̷e̷b̷i̷p̷a̷r̷š̷a̷d̷ ̷-̷ ̷z̷d̷a̷ie̷c̷c̷a̷ ̷i̷n̷d̷u̷s̷k̷a̷ie̷ ̷p̷r̷o̷z̷v̷i̷š̷č̷a̷?̷
siejčas huhliť mnie leń, daby podtvierdiť informaciu, potomu čto u mienia vychodnoj