Časovaha pavieranaha ŭ spravach Biełarusi ŭ Rumynii pa patrabavańni ministra zamiežnych spraŭ hetaj krainy Bahdana Aŭresku vyklikali ŭ MZS dla tłumačeńnia pazicyi, paviedamiła pres-słužba rumynskaha źniešniepalityčnaha viedamstva.
Niezadavolenaść rumynskaha boku vyklikali zajavy Alaksandra Łukašenki, jakija jon zrabiŭ 17 vieraśnia padčas vystupu na tak zvanym «patryjatyčnym forumie» ŭ «Minsk-Arenie».
Padčas vystupleńnia Łukašenka zajaviŭ, što ZŠA nibyta «šturchajuć Jeŭropu ŭ vajennaje supraćstajańnie z Rasijaj na terytoryi Ukrainy». Pry hetym jon skazaŭ, što ŭ vajnu ŭ chutkim časie niepasredna budzie ŭciahnutaja ŭ tym liku Rumynija. Heta i vyklikała reakcyju rumynskaha MZS
«Takim čynam, rumynski bok rašuča abviarhaje takija niedapuščalnyja zajavy, jakija padsiłkoŭvajuć rytoryku, zasnavanuju na zakliku da siły i pahrozy siłaj u mižnarodnych adnosinach. Taksama nielha ihnaravać rolu i mižnarodnuju adkaznaść Biełarusi jak pamahataj Rasii ŭ padtrymcy ahresiŭnaj vajny suprać Ukrainy», — havorycca ŭ tłumačeńni dla presy MZS Rumynii adnosna zajavaŭ Łukašenki.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary