Dniami na staroncy Ały Puhačovaj u Instagram źjaviŭsia post, u jakim narodnaja artystka SSSR prosić zaličyć jaje ŭ šerahi inšaahientaŭ z salidarnaści sa svaim mužam Maksimam Hałkinym. Na jaje vykazvańnie adreahavali mnohija, u tym liku, jak zaŭvažyła «Narodnaja vola», i Eli Alaksandr Finbierh, adziny syn viadomaha biełaruskaha muzyki, dyryžora Michaiła Finbierha.
«Toje, što, nie pabajusia hetaha słova, Vialikaja śpiavačka Ała Barysaŭna Puhačova, znachodziačysia ŭ Rasii, nie baicca adkryta kazać toje, što jana skazała, — biezumoŭna, vydatny znak, jaki śviedčyć pra chutkija budučyja i takija žadanyja dla usich prystojnych ludziej źmieny», — adznačyŭ Eli Alaksandr Finbierh.
Baćka Eli Alaksandra, Michaił Finbierh, u 2020 hodzie aktyŭna padtrymaŭ režym Łukašenki, vielmi rezka vykazvajučysia adnosna masavych pratestaŭ. Jon ličyŭ, što na vuličnyja akcyi chodziać bandyty, niahledziačy na ich padkreślena mirny charaktar. Taksama jon udzielničaŭ u prapahandysckich mierapryjemstvach, u tym liku vystupaŭ sa svaim Nacyjanalnym akademičnym arkiestram Biełarusi na scenie faktyčna razhromlenaha ŭładami Kupałaŭskaha teatra. 11 śniežnia 2021 hoda Michaił Finbierh pamior na 75-m hodzie žyćcia.
Samomu Eli Alaksandru Finbierhu 48 hadoŭ, jon žyvie ŭ Kanadzie.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary
Ona - Puhačiova, a ty noniejmnyj botiara s fabriki Prihožina. Tiebie ciena 30 rublej!
Jejo budut pomniť diesiatiletijami, tiebia i siejčas nikto nie znajet...