Cichanoŭskaja sustrełasia ź ministram unutranych spraŭ Polščy, jon padtrymaŭ jaje pierachodny kabiniet
3 kastryčnika ministr unutranych spraŭ Polščy Maryjuš Kamiński sustreŭsia ź lidarkaj demakratyčnaj apazicyi Biełarusi Śviatłanaj Cichanoŭskaj. U sustrečy taksama ŭziali ŭdzieł namieśnik ministra Bartaš Hradziecki i ambasadar Polščy ŭ Respublicy Biełaruś Artur Michalski.
Z boku Abjadnanaha pierachodnaha kabinieta ŭdzieł u sustrečy brali: kiraŭnica Śviatłana Cichanoŭskaja, pradstaŭnik pa tranzicie ŭłady Pavieł Łatuška, pradstaŭnik pa zamiežnych spravach Valeryj Kavaleŭski, pradstaŭnik pa adnaŭleńni zakonnaści i pravaparadku Alaksandar Azaraŭ i pradstaŭnik pa abaronie i nacyjanalnaj biaśpiecy Valeryj Sachaščyk. Cichanoŭskaja raspaviała ministru pra płany demakratyčnych siłaŭ, pra situacyju ź biełarusami ŭ Polščy i pra dapamohu, jakuju biełarusy akazvajuć Ukrainie. Pradstaŭniki Kabinieta raspaviali ab pracy ŭ svaich napramkach.
«Padčas razmovy ministr Maryjuš Kamiński zapeŭniŭ, što Polšča i dalej padtrymlivaje i cenić dziejnaść biełaruskaj apazicyi, u tym liku, u pryvatnaści, stvoranaha ŭ žniŭni 2022 hoda časovaha kabinieta pad kiraŭnictvam Śviatłany Cichanoŭskaj», — paviedamiła pres-słužba MZS Polščy.
Polski bok taksama paviedamiŭ pra źmieny ŭ polskim zakanadaŭstvie, jakija spraščajuć pražyvańnie biełarusaŭ u krainie, i ab dziejnaści pracoŭnaj hrupy pa vyrašeńni prablem biełarusaŭ.
Kamientary