Andžalina Džali abvinavaciła Breda Pita ŭ chatnim hvałcie
Sprava tyčycca incydentu 2016 hoda na pryvatnym samalocie, kali Pit nibyta prymianiŭ hvałt u dačynieńni da Džali i ich dziaciej. Akcior sprabavaŭ prymusić žonku padpisać pahadnieńnie ab nierazhałošvańni hetych detalaŭ, skazana ŭ isku.
Amierykanskaja aktrysa Andžalina Džali padała sustrečny isk ab chatnim hvałcie suprać svajho byłoha muža Breda Pita ŭ ramkach razhladu spravy ab prodažy vinakurni, piša «RBK» sa spasyłkaj na The New York Times.
Advakaty aktrysy paviedamili sudu, što pieramovy ab prodažy doli Džali ŭ vinakurni sarvalisia, bo akcior zapatrabavaŭ, kab jana padpisała «pahadnieńnie ab nierazhałošvańni, jakoje <…> zabaraniała b joj kazać pa-za sudom pra fizičny i emacyjny hvałt Pita nad joj i ich dziećmi».
U isku apisvajucca detali kanfliktu, jaki adbyŭsia ŭ vieraśni 2016 hoda. Tady Pit i Džali lacieli z Francyi ŭ Kaliforniju na pryvatnym samalocie razam z šaściarymi dziećmi. «Pit prydušyŭ adnaho ź dziaciej i ŭdaryŭ druhoha pa tvary», a taksama «schapiŭ Džali za hałavu i patros jaje», skazana ŭ isku. Taksama ŭ zajavie havorycca, što ŭ niejki momant Pit abliŭ Džali pivam, a paśla dziaciej — pivam i čyrvonym vinom.
Džali padała na razvod sa svaim mužam praź niekalki dzion paśla zdareńnia. Heta adbyłosia praz dva hady paśla ŭstupleńnia ŭ šlub.
Sam Pit prymianieńnie hvałtu da dziaciej admaŭlaŭ.
U śniežni 2018 hoda akciory zaklučyli pahadnieńnie ab apiecy nad dziećmi, jaho detali nieviadomyja.
Džali ŭžo sprabavała dabicca rasśledavańnia incydentu, adnak va ŭzbudžeńni spravy aktrysie admovili.
Niadaŭna akcior Džoni Dep vyjhraŭ sud u svajoj byłoj žonki. Jana taksama abvinavačvała jaho ŭ chatnim hvałcie.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary