Raźviedka ZŠA: Va Ukrainy zastałosia šeść tydniaŭ na kontrnastupleńnie
Va ŭkrainskaj armii jość šeść tydniaŭ dla aktyŭnaha prasoŭvańnia na poŭdni i ŭschodzie krainy. Ciapier USU majuć pieravahu nad rasijskimi vajskoŭcami, što moža im dazvolić damahčysia pośpiechu na Chiersonskim i Łuhanskim kirunkach. Takuju acenku pryvodzić amierykanskaja raźviedka, piša The New York Times.
Časavaje akno ŭ 6 tydniaŭ tłumačycca šeraham pryčyn. Klučavaja ź ich — źmiena pary hoda. Pachaładańnie i paharšeńnie ŭmoŭ nadvorja pastavić bajavyja dziejańni na paŭzu, što daść abiedźvium armijam čas dla pierahrupoŭki.
U ZŠA ličać, što paŭtaryć charkaŭski pośpiech i chutka viarnuć bujnyja terytoryi ŭkraincam budzie składana. Adnak ukrainskija vojski mohuć złamać asobnyja rasiejskija padraździaleńni, što dazvolić advajavać niejkija harady ŭ Danbasie i navat Chierson, jaki raźviedka nazyvaje «hałoŭnym pryzam u vajnie».
Va USU paćvierdzili, što prahres jość, ale bai stali ciažejšymi. «My ruchajemsia napierad, choć nie tak chutka, jak u Charkaŭskaj vobłaści. A strataŭ šmat», — kaža major Jarasłaŭ Hałas, kamandzir roty 128-j asobnaj horna-šturmavoj bryhady, jakaja vajuje ŭ Chiersonskaj vobłaści.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary