Heta prystasavańnie, kab padavać sihnały hazavaj tryvohi. Jaho vykarystoŭvali ŭ Pieršuju suśvietnuju vajnu
Voś što raskazaŭ pra znachodku žurnalistu «Rehijanalnaj haziety» navukoviec, daśledčyk Kreva Aleh Dziarnovič:
— Dźvie takija kruhłyja mietaličnyja płaściny znajšli kala paŭdniovaj ściany Kreŭskaha zamka. Heta hazalarm — sihnał hazavaj tryvohi. U takoje prystasavańnie niamieckija žaŭniery bili, kali pačynałasia hazavaja ataka z rasijskaha boku. Na adnym z ekziemplaraŭ navat zachavaŭsia drot, jakim macavaŭsia hazalarm.
Sioletni restaŭracyjny siezon — asabliva plonny pa znachodkach. U tym liku pa znachodkach časoŭ Pieršaj suśvietnaj vajny. Tut znajšli i razarvanyja snarady, i kalučy drot, i roznyja prystasavańni dla jaho nakručvańnia.
U čas Pieršaj suśvietnaj praz Kreva prachodziła linija frontu i bolš jak try hady vialisia pazicyjnyja bai. Zamak apynuŭsia na terytoryi, zachoplenaj niemcami, tut zbudavali schoviščy i naziralnyja punkty. Mienavita Pieršaja suśvietnaja vielmi mocna razburyła zamak. Padčas abstrełaŭ asabliva paciarpieła Kniažackaja vieža i ścieny ŭ paŭdniovaj častcy zamka.
Kamientary