«Russki o*ueli». Taksist u Vilni admoviŭsia vieźci rasijskuju žurnalistku
Rasijskaja žurnalistka Julija Dudkina, jakaja žyvie ŭ Litvie z dazvołam na žycharstva, uviečary 5 vieraśnia sutyknułasia z tym, što kiroŭca taksi servisu Bolt admoviŭsia jaje vieźci i źjechaŭ — miarkujučy pa jaho paviedamleńni, heta źviazana ź jaje nacyjanalnaściu, jakuju taksist «adhadaŭ» pa imieni ŭ dadatku, raskazvaje prajekt «Vołna».
Kala hadziny nočy Julija, hałoŭnaja redaktarka vydańnia «Kasa Miedyja», vyklikała taksi ŭ centry Vilni, kab pajechać dadomu. Kali taksi pryjechała, jana nacisnuła knopku ŭ čacie z kiroŭcam «Ja chutka budu». Hetyja paviedamleńni aŭtamatyčna pierakładajucca. Julija patłumačyła «Vołnie», što jana ŭ pryncypie razmaŭlaje z kiroŭcami taksi ŭ Litvie pa-litoŭsku abo pa-anhielsku.
U adkaz na heta jana atrymała paviedamleńnie ad taksista Marcinasa: «russki ohueli», — paśla čaho kiroŭca źjechaŭ. Sproby datelefanavacca byli biespaśpiachovymi. Hrošy pry hetym śpisalisia.
Vierahodna, kiroŭca «adhadaŭ» nacyjanalnaść i movu Julii pa interfiejsie prykładańnia, dzie jana pakazanaja jak Julia Dudkina. Karystalnicki rejtynh u jaje, darečy, 5.0.
U słužbie padtrymki Bolt Julii paviedamili: «Heta vielmi niepryjemnaja situacyja. Pavodziny kiroŭcy niedapuščalnyja, i mienavita tamu my pačali ŭnutranaje rasśledavańnie». Paźniej ź joj źviazalisia i paviedamili: «Unutranaje rasśledavańnie zavieršana, byli pryniaty adpaviednyja miery ŭ ramkach pracedur kampanii, i ŭ budučyni hety kiroŭca bolš nie budzie traplacca vam u pajezdkach». Hrošy joj viarnuli.
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary
Ale ŭ 1940-ja takija ž znakajakasnyja žmudziny biehli zasialacca ŭ Vilni, pakul na ścienach i bruku jašče była kroŭ miascovaha nasielnictva.
Dyk, praz kolki hod i praz kolki achviar jana prachodzić?
Treba biełaruskim miedyja brać prykład i nazvacca niejk u tym ža trendzie kštałtu "Niezaležnaja kasa". Pravaabaroncam možna "Dušeŭnaja kasa". Ofisu Cichanoŭskaj - "Hałoŭnaja kasa".