Vyniesieny prysud baćku ŭ Krasnajarskim krai, jaki atruciŭ siamju dychłafosam — čaćviora dziaciej pamierli
Pieršapačatkova śledčyja mierkavali, što siamja atruciłasia niajakasnymi pielmieniami. Adnak paźniej stała viadoma, što pryčynaj hibieli dziaciej stała apracoŭka baćkam pamiaškańnia dychłafosam.
21 vieraśnia 2024 hoda šmatdzietnaja siamja adčuła rezkaje paharšeńnie samaadčuvańnia paśla viačery.
Baćkoŭ i čaćviarych dziaciej dastavili ŭ balnicu. Praz try dni ŭsie dzieci — chłopčyk 13 hadoŭ i dziaŭčynki 6, 9 i 11 hadoŭ — pamierli. Vyratavać udałosia tolki darosłych.
Sudova-miedycynskaja ekśpiertyza pryjšła da vysnovy, što pryčynaj trahiedyi stała atručeńnie insiektycydami.
Pa dadzienych śledstva, mužčyna praihnaravaŭ praviły biaśpieki — jon hruba parušyŭ instrukcyju pa ŭžyvańni insiektycydu i pieravysiŭ dapuščalnuju dozu, jaki trapiŭ usiudy ŭ domie.
Na momant trahiedyi maci zahinułych dziaciej była ciažarnaja 5-m dziciom. U pačatku listapada naradziŭsia mały, ale jon pamior ad aśfiksii ŭ lutym.
Siońnia baćku — 34-hadovaha Dźmitryja Vinahradava — pryhavaryli da dvuch hadoŭ umoŭna.
Kamientary