Viadomy hrodzienski muzyka doŭha nie chacieŭ vyjazdžać ź Biełarusi, ale ŭrešcie ŭsio ž pryniaŭ takoje rašeńnie.
Ihar Bancar — rok-muzyka, lidar hrodzienskaha hurta «Mister X», anarchist, aktyvist i pierformier. Hrodzieniec byŭ asudžany za svoj pierformans padčas pratestaŭ 2020 hoda: stančyŭ biez portkaŭ pobač ź milicejskaj mašynaj. Za heta atrymaŭ paŭtara hoda «chimii».
Paśla adbyćcia pakarańnia muzyka nie źjazdžaŭ ź Biełarusi. Ale 4 žniŭnia 2022 hoda ŭ Hrodnie jon znoŭku byŭ zatrymany i adbyvaŭ pakarańnie ŭ Minsku. Za kratami Ihara Bancara trymali bolš za 45 sutak za raspaŭsiud «ekstremisckich materyjałaŭ». Paśla vyzvaleńnia jon vyrašyŭ usio ž źjechać.
«Zaraz u Biełarusi banalna niama kanjunktury i pluralizm jak taki adsutničaje. Kali my havorym pra palityčny śpiektr, to ja sa svaimi levymi pohladami ŭvohule nie ŭpisvajusia. I ŭsie hetyja razmovy ź milicyjaj dy HUBAZiK pryhniatajuć.
Kali naŭprost takbie kažuć, što ty nie padychodziš, u našaj rečaisnaści absalutna lišni elemient. Heta nadzvyčaj ciažka. I viartacca ŭ Biełaruś z uśviedamleńniem taho, što, mahčyma, ty nikomu nie patrebny, aproč samych blizkich… Dva hady nie byŭ u Varšavie, a kali siudy pryjechaŭ — tut bolš znajomych dy siabroŭ. I tut ja pačuvajusia bolš kamfortna, na žal. I heta varta ščyra pryznać», — paviedamiŭ muzyka biełastockamu vydańniu MOST.
-
«Cichanoŭski svajoj žyviolnaj charyzmaj moža zaciamnić šmat kaho ź lidaraŭ». Šrajbman pra viartańnie Cichanoŭskaha
-
Śviatłana i Siarhiej Cichanoŭskija adpraŭlajucca ŭ pieršy sumiesny aficyjny vizit — u Polšču
-
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu
Kamientary