Za čaćviorty termin Łukašenki — 37,4% respandentaŭ. Takija vyniki apytańnia, praviedzienaha Niezaležnym instytutam sacyjalna‑ekanamičnych i palityčnych daśledavańniaŭ (Litva).
Za čaćviorty termin Łukašenki — 37,4% respandentaŭ. Takija vyniki apytańnia, praviedzienaha Niezaležnym instytutam sacyjalna‑ekanamičnych i palityčnych daśledavańniaŭ (Litva).
50,2% apytanych vykazalisia na toje, što nieabchodna «dać šans novamu čałavieku». Pry hetym na pytańnie «Kali Alaksandr Łukašenka budzie čaćviorty raz vystaŭlać svaju kandydaturu na prezidenckich vybarach i ź im budzie sapierničać kandydat ad demakratyčnaj apazicyi, za kaho ź ich vy b prahałasavali?» 25,2% vykazalisia na karyść kandydata ad demakratyčnaj apazicyi, za Łukašenku — 42,9%.
Na pramoje pytańnie «Toje, što ŭ rukach Alaksandra Łukašenki zasiarodžana ciapier praktyčna ŭsia ŭłada ŭ krainie, idzie na karyść Biełarusi abo nie daje krainie ničoha dobraha?» 44,2% respandentaŭ adkazali «idzie na karyść Biełarusi» (supraćlehłaha punktu hledžańnia prytrymlivajucca 36%).
Kali b zaŭtra adbylisia vybary prezidenta Biełarusi, 39,4% apytanych znoŭ prahałasavali b za Łukašenku (za Alaksandra Milinkieviča — 3,4%, Alaksandra Kazulina — 2%, luboha inšaha palityka — mienš čym 1%).
Na pytańnie ab tym, čyje intaresy vyražaje ciapierašniaja ŭłada, bolš za ŭsio adkazaŭ (34,1%) sabrali «čynoŭniki i biurakraty». Adkaz «takich ludziej, jak ja» nabraŭ 25%, a «biednych i sacyjalna nieabaronienych słajoŭ nasielnictva» — tolki 12%. Na dumku amal 40% apytanych, «za 15 hadoŭ praŭleńnia Łukašenki razryŭ pamiž bahatymi i biednymi ŭ našaj krainie pavialičyŭsia» (supraćlehłaha punktu hledžańnia prytrymlivajucca 25,9%), a palityčnaja sistema ŭ Biełarusi pa 10‑balnaj škale (dzie 1 značyć poŭnaja demakratyja, a 10 — poŭnaja dyktatura) atrymała siaredniuju adznaku — 6 bałaŭ.
Ciapier čytajuć
Maryna Adamovič apublikavała novyja FOTY Mikoły Statkieviča4
Kamientary