Biełaruskaha palitviaźnia abrali vice-prezidentam Mižnarodnaj fiederacyi pravoŭ čałavieka
Biełaruski pravaabaronca, palitźniavoleny Valancin Stefanovič pieraabrany vice-prezidentam Mižnarodnaj fiederacyi pravoŭ čałavieka (FIDH). Heta adbyłosia 27 kastryčnika ŭ miežach 41-ha Kanhresa FIDH.
Padčas adkryćcia Kanhresa FIDH partrety źniavolenych «viasnoŭcaŭ» vystavili ŭ pieršym šerahu, a kiraŭnik adździeła Uschodniaj Jeŭropy i Centralnaj Azii FIDH Illa Nuzaŭ začytaŭ zvarot Valancina z-za krataŭ.
«Asobna chacieŭ by padziakavać svaim bratam i siostram — pravaabaroncam za ich salidarnaść i padtrymku ŭsich pazbaŭlenych svabody pravaabaroncaŭ u śviecie i, kaniešnie, mianie asabista.
Pravaabarončaja salidarnaść — mahutnaja siła, i ja vieru, što chutka zmahu dałučycca da vas, kab razam kročyć pa hetym nialohkim šlachu da suśvietnaj harmonii, lubovi i miru», — adznačyŭ u zvarocie Valancin Stefanovič.
Siabra Rady Pravaabarončaha centru «Viasna», vice-prezidenta Mižnarodnaj fiederacyi za pravy čałavieka (FIDH) Valancina Stefanoviča aryštavali 14 lipienia 2021 hoda. U toj dzień da Valancina z vobšukam pryjšli siłaviki, kanfiskavali ŭsiu techniku, a samoha pravaabaroncu pavieźli na dopyt, paśla čaho źmiaścili pad vartu, nahadvaje «Novy čas».
Ciapier čytajuć
Suprać 78-hadovaj Niny Bahinskaj zaviali kryminalnuju spravu3
Kamientary