Barys Hrabienščykoŭ padtrymaŭ palitźniavolenuju Taćcianu Kuzinu
Viadomy rasijski rok-śpiavak Barys Hrabienščykoŭ dasłaŭ Taćcianie Kuzinaj svajo fota sa słovami padtrymki. Na im napisana: «Taćciana! Sił Vam. Ciemra nie doŭžycca viečna; zaŭsiody ŭzychodzić sonca. B. H.».
Taćciana Kuzina — ekśpiertka ŭ halinie dziaržaŭnaha kiravańnia, palitołah, daśledčyca, adna z zasnavalnic prajekta «SYMPA» (Škoła maładych mieniedžaraŭ u śfiery publičnaha administravańnia). Jana była zatrymanaja 28 červienia 2021 hoda ŭ aeraporcie «Minsk», kali vypraŭlałasia ŭ karotkaterminovuju pajezdku ŭ Hruziju. Joj vystaŭleny abvinavačvańni pavodle dvuch artykułaŭ Kryminalnaha kodeksa: «Zmova z metaj zachopu ŭłady niekanstytucyjnym šlacham» (č. 1 art. 357) i «Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś» (č. 3 art. 361).
Raniej Barys Hrabienščykoŭ vystaŭlaŭ na aŭkcyjon svaju kamizelku, kab sabrać hrošy na padtrymku inšych biełaruskich palitviaźniaŭ — muzykaŭ z hurta Irdorath.
Kamientary