Pra prypynieńnie pracy ahienctva «Rehnum» «z-za kanfliktu z ułaśnikam» zajaviŭ jaho hałoŭny redaktar Madest Koleraŭ.
Jak paviedamiŭ hałoŭny redaktar ahienctva Madest Koleraŭ, «uładalnik kirujučaj kampanii biez tłumačeńnia pryčyn i metaŭ pamianiaŭ kiraŭnictva ŭ kampanii». Heta, maŭlaŭ, zrabiła niemahčymym dalejšy praciah pracy ŭ raniejšym farmacie, «jaki ŭ lipieni 2022 hoda ŭ suviazi z 20-hodździem ahienctva vysoka acaniŭ prezident Rasii Uładzimir Pucin».
«Rehnum» prypyniŭ viaščańnie «da prajaśnieńnia situacyi».
Infarmacyjnaje ahienctva «Rehnum» prapahandavała rasijskija impierskija pohlady i šmat razoŭ z-za hetaha traplała ŭ skandały. Ź biełaruskaha boku, jak praviła, ź im supracoŭničali ludzi, viadomyja svaimi prarasijskimi i antybiełaruskimi pohladami. Pryčym časam hetyja pohlady biantežyli navat biełaruskija aficyjnyja ŭłady.
U kancy 2016 hoda niekalki publicystaŭ ź Biełarusi, jakija supracoŭničali z «Rehnumam», takija jak Juryj Paŭłaviec, Dźmitryj Alimčyk i Siarhiej Šyptenka, navat aryštoŭvalisia łukašenkaŭskimi siłavikami. Usie hetyja ludzi pisali na sajt «Rehnuma» antybiełaruskija artykuły. U asobnych materyjałach Biełaruś nazyvałasia «zvarjaciełaj niedadziaržavaj», a biełaruskaja mova — prykmietaj nizkaha pachodžańnia. Pry hetym mocna krytykavalisia taksama i biełaruskija ŭłady, što ŭrešcie i vyklikała da ich cikavaść. Usie fihuranty prasiadzieli ŭ biełaruskim SIZA bolš za hod i byli asudžanyja na 5 hadoŭ pazbaŭleńnia voli z adterminoŭkami.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach1
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary