Siońnia a 7-j ranicy da redaktara niezaležnaha sajta beshankovichi.by ŭ viosku Staryja Rančycy Biešankovickaha rajona pryjechali milicyjanty. Jaho pavieźli ŭ rajcentr, kab pravieści pieratrus u kvatery, dzie jon daŭno nie žyvie. Siłaviki raspytvali Hieorhija pra ruch «Za Svabodu», piša «Viasna».
Ich cikaviła, chto taki Juryj Hubarevič, dzie jon ciapier znachodzicca i ci padtrymlivaje zatrymany ź im kantakty.
«Navat zapytali, pra što b ja chacieŭ ź im parazmaŭlać, kab raptam sustreŭ. Jašče supracoŭniki milicyi cikavilisia, što ja viedaju pra «supołku Robin Hud». Ja pra jaje navat i nie čuŭ. Nazyvali jašče niejkija proźviščy, ale ja takich ludziej nie viedaju», — raspavioŭ Hieorhij Stankievič.
Taksama ź jaho ŭziali padpisku, što jon nie budzie parušać kryminalnaje zakanadaŭstva, u pryvatnaści artykuł 356 Kryminalnaha kodeksa (zdrada dziaržavie). Praź niekalki hadzin sami ž supracoŭniki milicyi pryvieźli jaho dadomu.
Čytajcie taksama:
U Homieli praviali pieratrusy, źviazanyja z rucham «Za svabodu»
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?17
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary