Ministr zamiežnych spraŭ Ukrainy ličyć realistyčnym scenaryj poŭnaha adklučeńnia elektraenierhii ŭ krainie z-za rasijskich abstrełaŭ
Pra heta Dźmitryj Kuleba zajaviŭ u intervju niamieckamu telekanału ARD.
Kali heta adbudziecca, ukraincy nie buduć masava źjazdžać z krainy, ličyć Kuleba. Chutčej za ŭsio, pavodle jaho słoŭ, žychary haradoŭ buduć pierabiracca ŭ sielskija rajony, «dzie jość mahčymaść tapić drovami».
Padčas intervju ministr adkazaŭ na krytyku mierkavanych ukrainskich napadaŭ na aeradromy ŭ RF, zaŭvažyŭšy, što Ukraina «nie maje patreby ŭ maralnych urokach»:
«Pucin pryjšoŭ źniščyć nas — jak dziaržavu, jak nacyju. Kali b da vas u kvateru zajšoŭ zabojca i pasprabavaŭ vas zabić, a vaš susied skazaŭ «Nie hulaj z ahniom, nie treba jaho pravakavać», to vy, napeŭna, skazali, što vaš susied nie ŭ svaim rozumie».
Kuleba nie staŭ naŭprost adkazvać, ci maje dačynieńnie Kijeŭ da hetych napadaŭ. Jon adznačyŭ, što mienavita z hetych avijabaz vylatajuć dalokija bambardziroŭščyki, «jakija vypuskajuć rakiety pa enierhasistemie Ukrainy i zabivajuć ukraincaŭ».
Ciapier čytajuć
Vyzvalenyja biełaruskija palitviaźni parazmaŭlali ź Zialenskim9
Kamientary