Biełarusam ź Biełastoka adkazali na zvarot ab mahčymaści vyvučać biełaruskuju movu
15 listapada 2022 hoda ŭ kancylaryju Departamienta adukacyi ŭ Biełastoku pieradali 44 zajaŭki ad baćkoŭ, jakija chacieli b vučyć svaich dziaciej biełaruskaj movie. Praź miesiac pradstaŭniki biełaruskaj dyjaspary Biełastoka atrymali aficyjny adkaz ad Departamienta adukacyi Biełastoka, paviedamlaje MOST.
Asnoŭnyja pałažeńni adkazu polskich uładaŭ.
- Prezident Biełastoka Tadevuš Truskalaski razumieje patrebu padtrymańnia kulturnaj i moŭnaj tojesnaści biełarusaŭ, jakija žyvuć u Biełastoku, a mienavita ŭ arhanizacyi navučańnia biełaruskaj movie.
- U suviazi z hetym byŭ składzieny zvarot da Prezidenta Rady Ministraŭ Matevuša Maravieckaha z prośbaj znajści adpaviednaje pravavoje rašeńnie i finansavyja srodki. Pakul adkazu na zvarot nie atrymana.
- Pavodle aktualnaha prava navučańnie biełaruskaj movie ŭ škołach arhanizavana tolki dla polskich hramadzian, jakija naležać da nacyjanalnaj mienšaści.
- Razam z tym orhany ŭłady bačać prablemu, jakaja budzie abmiarkoŭvacca na supolnaj sustrečy pradstaŭnikoŭ Ministerstva, uradavaj administracyi vajavodstva i Departamienta adukacyi Biełastoka. Sustreča zapłanavanaja na studzień 2023 hoda.
Sutnaść prablemy, jakaja ŭźnikła — što z usich biełastockich škoł biełaruskuju movu ciapier vykładajuć tolki ŭ adnoj. Pryčym vyvučać jaje mohuć tolki pradstaŭniki biełaruskaj nacyjanalnaj mienšaści — tyja dzieci, čyje baćki majuć polskaje hramadzianstva i ličać siabie biełarusami.
Miž tym u apošniaj chvali emihracyi ŭ Polščy jość niamała biełarusaŭ, jakija chacieli b zabiaśpiečyć dziaciej zaniatkami biełaruskaj movy, ale ciapierašnija polskija zakony nie dajuć im takoj mahčymaści.
Čytajcie taksama:
Dyjaspara Biełastoka źbiraje podpisy, kab arhanizavać uroki biełaruskaj movy dla školnikaŭ ź Biełarusi
Čamu dzieci mihrantaŭ ź Biełarusi nie mohuć vyvučać biełaruskuju movu ŭ polskaj škole i što tut možna zrabić?
Biełarusy Biełastoččyny zdoleli adstajać biełaruskamoŭny dziciačy sadok. Ułady chacieli abjadnać jaho sa škołaj
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary