Ankołah pieraličyŭ pradukty, jakija abaraniajuć ad raku. Jany pavinny być u štodzionnym mieniu
Dla taho, kab abaranić arhanizm ad ryzyki raźvićcia złajakasnych novaŭtvareńniaŭ, my pavinny prytrymlivacca zdarovaha ładu žyćcia — nazaŭždy zabycca pra kureńnie, pravilna charčavacca i jak maha bolš ruchacca. Ź pieršym i trecim punktami usio bolš ci mienš zrazumieła, a jakija pradukty pavinny być u našym štodzionnym mieniu.
Pa-pieršaje, my pavinny źjadać jak minimum 400 hramaŭ u sutki (a lepš — da 800 hramaŭ) harodniny i zielaniny, — kaža ŭ kamientary «SB» akademik NAN Biełarusi, doktar miedycynskich navuk, prafiesar, namieśnik dyrektara pa navukovaj rabocie RNPC ankałohii i miedycynskaj radyjałohii imia M. M. Alaksandrava Siarhiej Krasny. — Na druhoje miesca pastaŭlu alej — rapsavy i aliŭkavy. Reč u tym, što ŭ ich prysutničaje vialikaja kolkaść karysnaj polinienasyčanaj tłustaj kisłaty amieha-3, jakaja pieraškadžaje źjaŭleńniu złajakasnych novaŭtvareńniaŭ. U słaniečnikavym alei hetaj kisłaty ŭ dziasiatki razoŭ mienš. A voś amieha-6, jakaja jość u čyrvonym miasie, naadvarot, pravakuje chraničnaje zapaleńnie i ankałahičnyja pracesy. U Biełarusi suadnosiny spažyvańnia amieha-6 da amieha-3 składajuć 15 da 1, a aptymalnymi jość 1 da 1.
Taksama dla našaha arhanizma karysnyja ryba i morapradukty. Naohuł raju źviarnuć pilnuju ŭvahu na mižziemnamorski pryncyp charčavańnia: šmat harodniny, morapraduktaŭ, arechaŭ, sucelnych złakaŭ, ale mała miasa, soli i prysmakaŭ, kaža S. Krasny.
Ciapier čytajuć
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku13
Kamientary
titirujet sovietskuju biełoruśsiju s ničiem nieprikrytoj sra..riekłamoj rapsovoho masła