Hihin vystupiŭ za čystku kniharań — u dziaržaŭnych sietkach pačali prybirać cełyja sieryi knih
Niadaŭna na pasiadžeńni Respublikanskaha savieta pa histaryčnaj palitycy Vadzim Hihin, staršynia abjadnańnia «Viedy», vystupiŭ ź idejaj pravieści čystku kniharań, dzie pradajecca šmat «škodnaj» litaratury. «Knihi dołžny izymaťsia», — zajaviŭ joj. I z prodažu stali źnikać dziasiatki tvoraŭ i zbornikaŭ, piša «Narodnaja vola».
Słovy Hihina na pasiadžeńni Respublikanskaha savieta pa histaryčnaj palitycy pracytavała «SB. Biełaruś siehodnia»: «Knihi dołžny izymaťsia iz sietki prodaž. U nas jesť miechanizmy, čtoby etu rabotu uskoriť. Iźmienienija, kotoryje proischodili v istoričieskoj politikie pośle 2020 hoda, imiejut sistiemnyj i pravilnyj charaktier. No, koniečno, chotiełoś by, čtoby eto jeŝie bystrieje proischodiło».
U dziaržaŭnaj sietcy «Biełkniha» raspačalisia čystki.
Naprykład, piša «Narodnaja vola», u dziaržkniharniach ciapier stała składana adšukać knihi sieryi «Biblijateka Baćkaŭščyny» — a heta dziasiatki vydańniaŭ na samyja roznyja temy.
Heta i familnaja saha akademika Radzima Hareckaha «Braty Hareckija», i fundamientalnaja praca daśledčyka Siarhieja Šaprana «Vasil Bykaŭ. Historyja žyćcia», i ŭkładzieny doktaram historyi Juryjem Hryboŭskim dakumientalny zbornik «Biełarusy ŭ bitvie za Monte-Kasina».
Bolš za dziasiatak knih dla «Biblijateki Baćkaŭščyny» napisaŭ litaraturaznaŭca Lavon Jurevič. Jon pracuje ŭ Ńju-Jorkskaj publičnaj biblijatecy, maje pad rukoj niedastupnyja ŭ Biełarusi knižnyja skarby.
Vykidajuć z kniharań i pradukcyju vydaviectvaŭ «Limaryus», «Knihazbor» i «Januškievič».
U pieraliku zabaronienych aŭtaraŭ akazaŭsia i narodny paet Biełarusi Ryhor Baradulin — z kniharań źnikajuć jaho «Dziońniki i zapisy» ŭ 11 tamach (šmathadovaja praca daśledčycy Natalli Davydzienka).
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary