U Minsku asudzili na 4 hady hramadzianina Łatvii — vierahodna, toj krytykavaŭ Łukašenku
Hramadzianina Łatvii Dźmitryja Michajłaŭsa Minski haradski sud prysudziŭ da 4 hadoŭ kałonii, paviedamlaje leta.lv sa spasyłkaj na MZS Łatvii.
Sudzili mužčynu pa čatyroch artykułach — zakliki da dziejańniaŭ suprać nacbiaśpieki (č. 3 art. 361), abraza pradstaŭnika ŭłady (art. 369), raspalvańnie varožaści (č. 2 art. 130) i abraza Łukašenki (č. 1 i 2 art. 368).
Zatrymali Michajłaŭsa ŭ sakaviku 2022 hoda.
Paźniej KDB uklučyŭ jaho ŭ pieralik asob, jakija majuć dačynieńnie da terarystyčnaj dziejnaści.
MZS Łatvii raniej paviedamlaŭ, što ŭ Michajłaŭsa pravieryli telefon i ŭładam nie spadabalisia paviedamleńni, jakija asudžajuć režym Łukašenki. Kali supracoŭniki konsulstva prybyli na sustreču z zatrymanym, to jaho nie zaśpieli, pakolki jaho na miesiac źmiaścili ŭ psichijatryčnuju balnicu dla praviadzieńnia ekśpiertyz.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary