Dzieviać krain adklikali pryznańnie niezaležnaści Kosava, zajaviŭ prezident Sierbii Alaksandr Vučyč, piša RBK.
Jak paviedamiŭ Vučyč, heta takija afrykanskija dziaržavy, jak Samali, Burkina-Faso, Habon, Esvacini, Livija, Hvinieja, a taksama Antyhua i Barbuda, Sent-Lusija (Karyby) i Maldyvy (Paŭdniovaja Azija); jašče adna, dziasiataja, kraina pavinna pryniać anałahičnaje rašeńnie.
Pavodle jaho słoŭ, Kosava na hety momant nie ličać niezaležnaj dziaržavaj 106 krain, 94 — «adnaznačna pryznajuć».
«My nikoha nie pravakavali, kali tolki chtości nie ličyć pravakacyjaj toje, što my pavažajem našu Kanstytucyju i abaraniajem hramadzian. My nie dapuścili nivodnaha incydentu, nivodnaha niasłušnaha kroku. My nie možam supraćstajać vialikim dziaržavam, my maleńkija, Hiermanija, Amieryka i Jeŭropa — vialikija», — adznačyŭ kiraŭnik dziaržavy.
-
Zialenski: Tańniej nie dać Rasii vyrablać rakiety, čym ratavać enierhasistemu Ukrainy
-
«DNŽ — heta pryvilej, a nie prava». Novaja kiraŭnica Departamienta mihracyi Litvy adkazała na pytańni, aktualnyja i dla biełarusaŭ
-
Zialenski ŭ Davosie: Kali b Jeŭropa dapamahła biełaruskamu narodu ŭ 2020 hodzie, to ŭ Biełarusi siońnia nie było b «Arešnika»
Kamientary