Čynoŭniki ZŠA rajać Ukrainie pačakać z pačatkam maštabnaha nastupleńnia, pakul jana nie atrymaje apošniuju partyju amierykanskaj zbroi, a jaje vojski nie projduć adpaviednaje navučańnie. Pra heta na bryfinhu ŭ piatnicu zajaviŭ čynoŭnik Administracyi prezidenta ZŠA, paviedamlaje Reuters.
Amierykanski čynoŭnik dadaŭ, što pieramovy ZŠA z Ukrainaj adnosna luboha kontrnastupleńnia adbyvajucca ŭ kantekście harantavańnia taho, kab ukraincy spačatku prajšli dastatkovaje navučańnie na najnoŭšym uzbrajeńni, jakoje pieradaŭ amierykanski bok.
U hutarcy ź nievialikaj hrupaj žurnalistaŭ na ŭmovach ananimnaści zhadany čynoŭnik taksama zajaviŭ, što Złučanyja Štaty prytrymlivajucca svajho rašeńnia nie davać tanki M1 Abrams Ukrainie, pakolki jany darahija i składanyja ŭ absłuhoŭvańni.
Raniej hienieralny sakratar NATA Jens Stołtenbierh, jaki ŭdzielničaŭ u pasiadžeńni farmatu «Ramštajn», vitaŭ paviedamleńni pra novyja pastaŭki zbroi va Ukrainu. Pavodle jaho słoŭ, hetaja padtrymka daść mahčymaść ukraincam nie tolki abaranicca ad novaha nastupu Rasii, ale i dazvolić im pačać svaje nastupalnyja dziejańni, kab advajavać terytoryju.
U toj ža čas
staršynia Abjadnanaha kamiteta načalnikaŭ štaboŭ armii ZŠA hienierał Mark Mili ličyć, što vajennymi srodkami vycieśnić rasijan z akupavanych terytoryj Ukrainy ŭ hetym hodzie budzie vielmi ciažka.
«Linija frontu idzie ad Charkava da Chiersona i jana bolš-mienš statyčnaja, za vyklučeńniem Saladara, Bachmuta. Heta vielizarnaja terytoryja, i tam zastajecca šmat rasijskich siłaŭ, jakija akupavali Ukrainu», — skazaŭ Mili.
U čaćvier Złučanyja Štaty abviaścili ab vydzialeńni Ukrainie dadatkovych 2,5 młrd dalaraŭ vajskovaj dapamohi. Pakiet budzie ŭklučać bolš braniatechniki i bojeprypasaŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary