Pa słovach Alaksandra Łukašenki, Biełaruś, u adroźnieńnie ad Ukrainy, nie vytrymała b takoha napadu, bo «Ukraina bahataja. Bahaciejšaja za nas».
«Užo ŭsie zrazumieli: kali b my nie vystajali ŭ 2020 hodzie — my viedajem, što było b. Było b horš, čym va Ukrainie. Ukraina bahataja. Bahaciejšaja za nas. Było b tut horš, — zajaviŭ Alaksandr Łukašenka na naradzie 24 studzienia pa pytańniach hramadska-palityčnaj situacyi.
— Ja nie chaču, kab mnie ci vam kłanialisia za heta i nam dziakavali, ale ŭsim zrazumieła, u imia čaho i dziakujučy kamu vystajali».
Alaksandr Łukašenka zaściaroh ad lubych pratestaŭ suprać jaho kiravańnia.
«I kali ŭžo paśla hetaha chtości vyłazić z-pad plintusa, jak prusak, i znoŭ pačynaje abo praciahvaje hetuju svaju brydkuju spravu, vajujučy… suprać ułady… Kali niechta, nie daj boh… Ale adkryta jany ciapier niekatoryja pabojvajucca», — dadaŭ Łukašenka.
Łukašenka zajaviŭ, što nikoli nie dapuścić paŭtareńnia 2020 hoda.
Kamientary