Biełaruś i Rasiju źbirajucca prapichvać na Alimpijskija hulni praz Aziju
Vykanaŭca abaviazkaŭ prezidenta Alimpijskaj rady Azii (ARA) Randchir Sinhch raskazaŭ, što MAK raspracoŭvaje śpiecyjalnuju sistemu kvot, jakaja adkryje šlach spartsmienam z Rasii i Biełarusi dla ŭdziełu ŭ Alimpijskich hulniach u Paryžy ŭ nastupnym hodzie praz adbor u Azii, piša Tribuna.
«Jany nie buduć umiešvacca ŭ našuju miedalnuju sistemu abo azijackuju kvotu na Alimpijskija hulni. MAK raspracuje palityku alimpijskich kvot razam z ARA i mižnarodnymi fiederacyjami. I buduć uručacca asobnyja miedali.
Čas dla atrymańnia alimpijskich kvot zakančvajecca. Pakolki adchileńnie praciahvajecca, my zaprasili rasijskich i biełaruskich spartsmienaŭ dla ŭdziełu ŭ našych spabornictvach i Azijackich hulniach.
My raspracoŭvajem fiłasofiju, pa jakoj jany zmohuć udzielničać u spabornictvach, dzie my možam vyznačyć kolkasnyja pakazčyki.
Nie ŭ adzinaborstvach, naprykład, nie ŭ baraćbie. Kali našaha bajca z Azii nakaŭtujuć u pieršym raŭndzie, my prajhrajem u kvalifikacyi.
Ale kali budzie sistema ačkoŭ, jak u lohkaj atletycy, stralbie… U hetych vidach sportu jany zmohuć spaborničać. Heta ŭsio rašajecca.
Ideja ŭ tym, kab dać mahčymaść spartsmienam paŭdzielničać i nie prapuścić Alimpijskija hulni ŭ Paryžy. Sport — nie miesca dla palityki. Sport — dla spartsmienaŭ, jon za luboŭ, siabroŭstva i braterstva. Spartyŭnyja ludzi — adna siamja. Zychodziačy z hetaha, my ich padtrymlivajem», — skazaŭ Sinhch.
25 studzienia MAK dapuściŭ mahčymaść vystupleńnia na mižnarodnych spabornictvach biełaruskich i rasijskich spartsmienaŭ, kali tyja nie byli zaŭvažany ŭ «aktyŭnaj padtrymcy» vajny va Ukrainie. Ale hetaja ideja maje vialikuju apazicyju. Suprać jaje aktyŭna vystupaje Ukraina, spartyŭnaje kiraŭnictva jakoj užo zajaviła, što ŭ vypadku dopusku rasijan i biełarusaŭ pad lubymi šyldami, Alimpijadu buduć bajkatavać užo ŭkraincy. Biełaruski Fond spartyŭnaj salidarnaści taksama vystupaje suprać, kab heta adbyvałasia na prapanavanych MAK umovach.
Čytajcie taksama:
Biełarusam prapanavali stać azijatami
Fond spartyŭnaj salidarnaści suprać dopusku biełaruskich spartsmienaŭ da Alimpijady na ŭmovach MAK
MAK moža dapuścić da spabornictvaŭ biełarusaŭ i rasijan, jakija suprać vajny
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos32
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary