Ukraina adpraŭlaje ŭ abiastočanuju Adesu ŭsie mahutnyja hienieratary
Premjer-ministr Ukrainy Dzianis Šmyhal daručyŭ nakiravać u Adesu, jakaja zastałasia biez elektryčnaści z-za avaryi na padstancyi, usie mahutnyja hienieratary, jakija jość u najaŭnaści ŭ Ministerstva enierhietyki.
Hienieratary pavinny dastavić u horad, abiastočany na praciahu sutak.
«Taksama ŭ horad pavinna być pieraviezienaja hazaturbinnaja elektrastancyja mahutnaściu 25 MVt, pradstaŭlenaja našymi partniorami z ZŠA. Daŭ taksama zadaču MZS źviarnucca ŭ Turcyju za dadatkovaj padtrymkaj u vyhladzie sudnaŭ-elektrastancyj», — napisaŭ premjer u siabie ŭ telehram-kanale.
Maštabnaja avaryja na padstancyi NEK «Ukrenierha» adbyłasia ŭ subotu ranicaj. Sa słoŭ Šmyhala, raniej hetaja padstancyja była nieadnarazova paškodžanaja ŭ vyniku rasijskich napadaŭ.
Pa infarmacyi karystalnikaŭ sacsietak, havorka idzie pra padstancyju «Usatava» u vakolicach Adesy, dzie ranicaj u subotu adbyŭsia mocny pažar. Pa paviedamleńni meryi Adesy, uvieś horad i častka Adeskaha rajona časova abiastočanyja.
Ab pryčynach incydentu infarmacyi pakul niama.
Premjer-ministr napisaŭ, što ŭ pieršuju čarhu buduć zabiaśpiečanyja enierhijaj krytyčna važnyja abjekty infrastruktury i šmatkvaternyja damy, u jakich ad elektryčnaści zaležyć ciepłazabieśpiačeńnie.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary